ހީނާމާގެ ޕާކިން ޒޯނުން 4 ބިދޭސީން ފާސްކޮށް އިމިގްރޭޝަންގެ ބެލުމުގެ ދަށަށް

ގ. ހީނާމާގޭ ޕާކިން ސަރަހައްދުގައި އުޅޭ ބިދޭސީން ބަލައި ފާސް ކުރުމުގެ ތެރެއިން -- ފޮޓޯ/ އިމިގްރޭޝަން

މާލޭ ހީނާމާގޭ ޕާކިން ޒޯނުގައި ގަވައިދާ ހިލާފަށް އުޅުނު ހަތަރު ބިދޭސީއަކު ހުއްޓުވައި، އިމިގްރޭޝަންގެ ބެލުމުގެ ދަށަށް ގެންގޮސްފި އެވެ.

މި ހަތަރު މީހުން ހައްޔަރު ކުރީ މާލެ ސަރަހައްދުގައި ގަވާއިދާ ހިލާފަށް ވިޔަފާރިކޮށް، ސައްހަ ވިސާއެއް ނެތި އުޅެމުން އަންނަ ބިދޭސީން ހޯދުމަށް އިމިގްރޭޝަނުގެ ޓާސްކު ފޯހުން ކުރަމުންދާ މަސައްކަތުގެ ތެރެއިންނެވެ.

އިމިގްރޭޝަނުން ބުނީ ގ. ހީނާމާގެ ޕާކިން ސަރަހައްދުގައި ހަރަކާތްތެރި ވަމުންދިޔަ، 11 ބިދޭސީން ބަލައި ފާސްކޮށްފައިވާ ކަމަށެވެ. އަދި އޭގެ ތެރެއިން ހަތަރު ބިދޭސީން އެ އިދާރާގެ ބެލުމުގެ ދަށަށް ގެނެސްފައިވާ ކަމަށެވެ.

ރާއްޖޭގައި ގަވާއިދާ ހިލާފަށް އުޅެމުން އަންނަ ބިދޭސީންގެ މައްސަލަ ހައްލުކުރުމަށް ޓަކައި، ރައީސް ޑރ. މުޙައްމަދު މުއިއްޒުގެ އިރުޝާދުގެ ދަށުން ކުރާ މަސައްކަތުގެ ތެރެއިން، ބިދޭސީން ދިރިއުޅޭ ތަންތަންނާއި އެ މީހުން މަސައްކަތް ކުރާ ތަންތަން އިމިގްރޭޝަނުން އަންނަނީ ބަލައި ފާސް ކުރަމުންނެވެ.

އިމިގްރޭޝަން