އަޒްމިރަލްދާ އާއި މަހާޒު ފަނޑިޔާރުކަމުން ވަކިކުރަން ޖޭއެސްސީން ނިންމައިފި

ސުޕްރީމް ކޯޓުގެ ފަނޑިޔާރުކަމުން މަހާޒު އަލީ ޒާހިރު އާއި ޑރ. އަޒްމިރަލްދާ ޒާހިރު ވަކިކުރަ ކުރަން ނިންމައި އެކަން ރައްޔިތުންގެ މަޖިލީހަށް ހުށަހަޅަން ޖުޑީޝަލް ސާވީސް ކޮމިޝަން (ޖޭއެސްސީ) އިން ނިންމައިފި އެވެ.

ކުރީގެ ފަނޑިޔާރު ހުސްނުއްސުއޫދު ހިމެނޭ ގޮތުން މި ދެ ފަނޑިޔާރުންގެ ސުލޫކީ މައްސަލައެއް ބަލަމުންދާ ކަމަށް އޭސީސީ އިން ޖޭއެސްސީއަށް އެންގީ ފެބުރުއަރީ މަހުގެ 25ގަ އެވެ.

"ދެލި"އަށް އެނގިފައިވާ ގޮތުގައި އެ ދެ ބޭފުޅުންގެ މައްސަލަ ޖޭއެސްސީން މިއަދު ބެލުމަށްފަހު، އެ ކޮމިޝަންގެ މައްސަލަ ބަލައި ކޮމިޓީން ނިންމީ މަގާމުން ވަކިކު ކުރުމަށެވެ. އަދި ރިޕޯޓުގައި ބުނެފައިވާ ފިޔަވަޅުތައް އެ ފަނޑިޔާރުންގެ މައްޗަށް އެޅުމަށް ވެސް އެ ކޮމިޝަނުގެ ބައްދަލު ވުމުގައި ވަނީ ނިންމާފަ އެވެ.

މި ދެ ފަނޑިޔާރުންނަށް ކުރަނީ އަޒްމިރަލްދާގެ ފިރިކަލުން ޑރ. އިސްމާއިލް ލަތީފު، މިދިޔަ ޑިސެމްބަރު މަހު، ކުށެއްގެ ތުހުމަތުގައި ހައްޔަރު ކުރުމުން، އޭނާ ބަންދުން ދޫކޮށްލަން ކްރިމިނަލް ކޯޓުގެ ގާޒީއަކަށް ގުޅައި ނުފޫޒު ފޯރުވި ކަމުގެ ތުހުމަތެވެ.

އެހެން ނަމަވެސް އަޒްމިރަލްދާގެ ވަކީލް އިބްރާހިމް ޝަމީލް ނެރުއްވި ބަޔާނެއްގައި ވަނީ އޭނާގެ މައްޗަށް އެ ކުރާ ތުހުމަތަކީ ހަގީގަތާ ހިލާފު ދޮގު ތުހުމަތެއް ކަމަށް ބުނެފަ އެވެ. އަދި ފަނޑިޔާރު މަހާޒުގެ މައްސަލާގައި ކުރާ ތުހުމަތަކީ ވެސް ކަނޑައެޅިގެން ދޮގު ތުހުމަތެއް ކަމަށް، އަޒްމިރަލްދާ ވިދާޅުވެފައިވެ އެވެ.

ޖޭއެސްސީ