މިނިސްޓްރީގެ ކާމިޔާބީގެ ސިއްރަކީ ރައީސް މުއިއްޒު ދެއްވާ އެއްބާރުލެއްވުން: ޝަހީމް

ރައީސް މުއިއްޒު (ކ) އަދި މިނިސްޓަރު ޝަހީމް (ވ) --

މިނިސްޓްރީގެ މަސައްކަތް ތަކުގެ ކާމިޔާބުގެ ސިއްރަކީ ރައީސުލްޖުމްހޫރިއްޔާ ޑރ. މުޙައްމަދު މުއިއްޒު، ދެއްވަމުންގެންދަވާ އެހީތެރި ކަމާއި އެއްބާރު ލެއްވުން ކަމަށް އިސްލާމިކް މިނިސްޓަރު ޑރ. މުޙައްމަދު ޝަހީމް އަލީ ސައީދު ވިދާޅުވެއްޖެ އެވެ.

އެ މަނިކުފާނު މިހެން ވިދާޅުވީ ރައީސް މުއިއްޒު، އިއްޔެ ނޫސްވެރީންނާ ބައްދަލު ކުރައްވައި ގާތްގަނޑަށް 15 ގަޑިއިރު، ހޭދަ ކުރައްވާފައިވާތީ، އެމަނިކުފާނަށް ތަހުނިޔާ ދެންނެވުމުގެ ގޮތުން ކުރެއްވި އެކްސް ޕޯސްޓެއްގަ އެވެ.

ޝަހީމް ވިދާޅުވީ ރައީސްގެ ނޫސްވެރިންގެ ބައްދަލު ވުމަކީ ތާރީހީ ބައްދަލު ވުމެއް ކަމަށެވެ. އަދި މައުލޫމާތު ދެއްވުމާއި ޖަވާބު ދެއްވުމާއި ކެތްތެރި ކަމާއި ސާބިތު ކަމާއި ނޫސްވެރީންނާ ބެހެއްޓެވި ގާތްކަން ފެނިގެން ދިޔަ ތާރީހީ ބައްދަލު ވުމެއް ކަމަށް ވިދާޅުވި އެވެ. އޭގެ އިތުރުން އިސްލާމީ މަޝްރޫއު ތަކަށް ރައީސް ދެއްވާ އަހައްމިއްޔަތަށް ޓަކައި ޝަހީމް ވަނީ އެ މަނިކުފާނަށް ފަށްފަށުން ޝުކުރު ދަންނަވާފަ އެވެ.

"ވަކިން ޚާއްސަކޮށް ކީރިތި ގުރުއާންނަށް ހާއްސަ ވަގުފެއް ގާއިމު ކުރެއްވުމަށް ނިންމެވި ކަމީ ރާއްޖޭގެ ތާރީހުގައި ރައީސަކު ނިންމެވި މިފަދަ ފުރަތަމަ ނިންމެވުން. އިސްލާމިކް މިނިސްޓްރީގެ ނަމުގައި ރައީސަށް ތަހުނިޔާ ދަންނަވަން،" ޝަހީމް ވިދާޅުވި އެވެ.

އިއްޔެ ހެނދުނު 10:00ގައި ފެށި ޕްރެސް ބްރީފިން ނިންމަވާލެއްވީ ރޭގަނޑު 12:54 ހާއިރު އެވެ. އެ ހުރިހާއިރު، ވަންދެން ރައީސް ޕޯޑިއަމް ކައިރީގައި ހުންނެވީ ކޮޅަށެވެ.

މިނިސްޓަރ ޝަހީމް