ވައުދުތައް ފުއްދަން އެންމެން އެކަތިގަނޑަކަށް ވުމަށް އިލްތިމާސް ކުރައްވައިފި

އަންހެންވެރީންގެ ސައްލާ ފެށުމުގެ ރަސްމިއްޔާތުގެ ތެރެއިން -- ފޮޓޯ/ ރައީސް އޮފީސް

ސަރުކާރުގެ ސިޔާސަތުތައް ތަންފީޒު ކުރުމަށާއި ވައުދުތައް ފުއްދުމުގައި އެންމެން އެކަތިގަނޑަކަށް ވެގެން މަސައްކަތް ކުރުމަށް ލޯކަލް ގަވަރުމެންޓް މިނިސްޓަރު އާދަމް ޝަރީފު އުމަރު، އިލްތިމާސް ކުރައްވައިފި އެވެ.

"އަންހެންވެރީންގެ ސައްލާ" ނިންމުމުގެ ރަސްމިއްޔާތުގައި ވާހަކަފުޅު ދައްކަވަމުން މިނިސްޓަރު ވިދާޅުވީ، ލާމަރުކަޒީ ނިޒާމުގައި، ކައުންސިލް ތަކަކީ ވެސް އަދި ޑަބްލިޔުޑީސީ ތަކަކަކީ ވެސް އޭގެ ޒާތުގައި ސަރުކާރުގެ ފަށަލައެއް ކަމަށެވެ.

"ހުރިހާ ކައުންސިލްތަކާއި، ހުރިހާ ޑަބްލިޔުޑީސީތަކުން ވެސް މަސައްކަތްތައް ކުރިއަށް ގެންދިއުމުގައި ސަރުކާރުގެ ސިޔާސަތުތައް ތަންފީޒު ކުރުމަށް އަދި ވައުދުތައް ފުއްދުމުގައި އެންމެން އެކަތިގަނޑަކަށް ވެގެން މަސައްކަތް ކުރުމަށް އިލްތިމާސްކުރަން،" އެ މަނިކުފާނު ވިދާޅުވި އެވެ.

މި މަހުގެ 29 އިން 30އަށް އިސްރަށްވެހިންގެ ނާދީގައި ކުރިއަށް ގެންދިޔަ "އަންހެންވެރީންގެ ސައްލާ" އަކީ ސިޓީސް މިނިސްޓްރީ އިން އިންތިޒާމު ކޮށްގެން އަންހެނުންގެ ތަރައްގީއަށް މަސައްކަތްކުރާ ކޮމިޓީތަކަށް ހާއްސަ ކޮށްގެން ބޭއްވި މި ފަދަ ފުރަތަމަ މަސައްކަތު ބައްދަލުވުމެވެ.

މި ބައްދަލުވުމުގައި ކ، އއ، އދ، ވ އަދި މ އަތޮޅުގެ އތމ ކޮމިޓީގެ މެންބަރުންގެ ތެރެއިން 59 މެންބަރަކު ބައިވެރިވި އެވެ.

އާދަމް ޝަރީފް