ރާއްޖެ އާއި މެލޭޝިއާއާ ދެމެދު މުހިއްމު އެއްބަސްވުންތަކެއްގައި ސޮއިކޮށްފި

ރާއްޖެ އާއި މެލޭޝިއާ އާ ދެމެދު ތަފާތު ދާއިރާ ތަކުން ފަސް އެއްބަސްވުމެއްގައި މިއަދު ސޮއިކޮށްފި އެވެ.

މި އެއްބަސްވުން ތަކުގައި ސޮއި ކުރެއްވީ ރައީސުލްޖުމްހޫރިއްޔާ ޑރ. މުޙައްމަދު މުއިއްޒު މެލޭޝިއާ އަށް ކުރައްވަމުން ގެންދަވާ ރަސްމީ ދަތުރުގެ ތެރެއިންނެވެ.

މެލޭޝިޔާއާއި ރާއްޖެއާ ދެމެދު ސޮއި ކުރި އެއްބަސްވުން ތަކަކީ ކުޅިވަރުގެ ދާއިރާއިން ދެ ގައުމު އެކުގައި މަސައްކަތް ކުރުމާއި ސިއްހީ ދާއިރާއާއި ފަތުރުވެރި ކަމުގެ ދާއިރާއިން އެއްބާރުލުން ދިނުމާ އަދި ފައިނޭސްޝަލް ސާވިސަސްގެ ދާއިރާގެ އިތުރުން ޑިޕްލޮމެޓުން ތަމްރީނު ކުރުމަށެވެ.

އެއްބަސްވުން ތަކުގައި ސޮއި ކުރުމަށްފަހު، ރައީސް ޑރ. މުއިއްޒާއި މެލޭޝިޔާގެ ބޮޑުވަޒީރު އަންވަރު އިބްރާހީމް ދެއްވި ގުޅިފައިވާ ބަޔާނެއްގައި އެ ދެ ބޭފުޅުން ވަނީ ސަރަހައްދީ އަދި ބައިނަލްއަގުވާމީ މައްސަލަ ތަކުގައި ދެ ގައުމު ގުޅިގެން މަސައްކަތް ކުރުމާއި ދެ ގައުމުގެ ބައިވެރިވުން އިތުރު ކުރެވޭނޭ އިތުރު މަގުތައް ހޯދުމަށް މަސައްކަތް ކުރައްވާނެކަން އިއުލާން ކުރައްވާފަ އެވެ.

ރައީސްގެ މި ދަތުރުފުޅަކީ މެލޭޝިއާގެ ބޮޑުވަޒީރު އަންވަރު އިބްރާހިމްގެ ދައުވަތަކަށް ކުރައްވާ ރަސްމީ ދަތުރުފުޅެކެވެ. ދަތުރުފުޅު ނިންމަވާލައްވައި އެނބުރި ރައްޖެ ވަޑައިގަންނަވާނީ އަންނަ ބުދަ ދުވަހު އެވެ.

ރައީސް ޑރ މުޢިއްޒު މެލޭޝިޔާ