ކުޅުދުއްފުށީ ރަސްމީ ފާލަން ތަރައްގީ ކުރަން ހަވާލުކޮށްފި

ކުޅުދުއްފުށީ ރަސްމީ ފާލަން ތަރައްގީކޮށް ނިމުން އޮންނާނެ ގޮތުގެ ކުރެހުމެއް -- ފޮޓޯ/ ކައުންސިލް

ހދ. ކުޅުދުއްފުށީ ސިޓީގެ ރަސްމީ ފާލަން ތަރައްގީ ކުރުމުގެ މަސައްކަތް ވޭވްލެންތް ޕްރައިވެޓް ލިމިޓެޑާ ހަވާލުކޮށް، އެއްބަސްވުމުގައި ސޮއިކޮށްފި އެވެ.

މި ފާލަން ތަރައްގީ ކުރަނީ ބޮޑު މުޙައްމަދު ކަލޭފާނު ބަނދަރުގަ އެވެ.

މި މަސައްކަތުގެ އެއްބަސްވުމުގައި ވޭވްލެންތާ އެކު ކައުންސިލުގެ ފަރާތުން ސޮއި ކުރެއްވީ މޭޔަރު މުޙައްމަދު އާތިފެވެ.

ކައުންސިލުން ބުނީ މި ފާލަން ފަރުމާ ކުރެވިފައި ވަނީ ހިޔާގަނޑަކާއިއެކު ފާލަމުގެ ތިން ފަރާތުން ލޯންޗް ފަހަރަށް ފަސޭހަ ކަމާއިއެކު ގާތްކޮށް، އަރާ ފޭބުމަށް ފަސޭހަވާނެހެން ކަމަށެވެ.

މުޅިއެކު 240 ދުވަސް ތެރޭގައި ނިންމާ ގޮތަށް ވޭވްލެންތާ މި މަސައްކަތް ހަވާލުކުރީ 3.90 މިލިއަން ރުފިޔާ އަށެވެ.

މި ފާލަމަކީ ރަސްމީ ހައިސިއްޔަތުން ރަށަށް ވަޑައިގަންނަވާ އިއްޒަތްތެރިންނާއި، ރަށުގައި ހިންގާ ހާއްސަ ހަރަކާތް ތަކަށް ދައުވުތު އެރުވިގެން ރަށަށް ވަޑައިގަންނަވާ ހާއްސަ މެހެމާނުންނަށް މަރުހަބާ ދެންނެވުމަށް ހާއްސަކުރެވޭ ފާލަމެއް ކަމަށް ކައުންސިލުން ބުނެފައިވެ އެވެ.

ކުޅުދުއްފުށި