ހުޅަނގު އައްސޭރީގެ އުތުރުގެ އަވަށެއް ކަމަށްވާ ކްފަރު ޑާންގައި އިސްރާއީލުގެ އަސްކަރިއްޔާއިން އަންގާރަ ދުވަހު ހިންގި އޮޕަރޭޝަނެއްގައި ފަލަސްތީނުގެ ހަ ފިރިހެނުން ޝަހީދުވެފައިވާ ކަމަށް ފަލަސްތީނުގެ ސިއްހަތާ ބެހޭ ވުޒާރާ އާއި ރެޑް ކްރެސެންޓުން ބުނެފިއެވެ.

އިސްރާއީލުގެ އަސްކަރިއްޔާއިން ބުނެފައިވަނީ، އަންގާރަ ދުވަހު އެ ސަރަހައްދުގައި "ކައުންޓާ ޓެރަރިޒަމް އެކްޓިވިޓީއެއް" ހިންގާފައިވާ ކަމަށާއި އެ ހަރަކާތުގައި ބަދަލުކުރި ހަމަލާތަކުގައި ހަތަރު ހަނގުރާމަވެރިން މަރާލާފައިވާ ކަމަށެވެ.

ރާމަاللهގައި ހުންނަ ފަލަސްތީނުގެ ސިއްހަތާ ބެހޭ ވުޒާރާއިން ނެރުނު ބަޔާނެއްގައި ބުނީ އުމުރުން 21 އަހަރާއި 32 އަހަރާ ދެމެދުގެ ފިރިހެނުންތަކެއްގެ ގަޔަށް "ޖެނިން ޑިސްޓްރިކްޓްގެ ކަފްރް ޑާން އަވަށުގައި އިސްރާއީލު ސިފައިން ބަޑި ޖަހާފައިވާ" ކަމަށެވެ.

ފަލަސްތީނުގެ ރެޑް ކްރެސެންޓުން ބުނީ ކަފްރް ޑާން އިން ޝަހީދުވެގެން ހަ މީހަކު ގެންގޮސްފައިވާ ކަމަށާއި އޭގެ ތެރެއިން ތިން މީހަކު ޝަހީދުވެފައިވަނީ އެމީހުން ދިރިއުޅޭ ގެއަށް އަމާޒުކޮށް ދީފައިވާ ހަމަލާތަކެއް ގައެވެ.

އިސްރާއީލުގެ އަސްކަރިއްޔާ އިން ބުނީ ފަލަސްތީނުގެ ހަނގުރާމަވެރިން ބޭނުންކުރާ އިމަރާތެއް ސިފައިން ވަށާލާފައިވާ ކަމަށާއި، އެތަނަށް ސިފައިން ދިން ހަމަލާތަކުގައި ހަތަރު މީހަކު މަރުވެ އިތުރު މީހުން ޒަޚަމްވެފައިވާ ކަމަށާއި އިސްރާއީލުގެ ވައިގެ ސިފައިންގެ ހެލިކޮޕްޓަރެއް އެ އިމާރާތަށް ސަރަހައްދަށް ހަމަލާދީފައިވާ ކަމަށެވެ. އިސްރާއީލު ސިފައިން އިތުރަށް ބުނެފައިވަނީ ހަތިޔާރު އަދި އެތައް ގޮވާތަކެއްޗަކާއި، ގޮވާތަކެތި އަޅާ ބަރާކޮށްފައިވާ އުޅަނދެއް އެ އިމާރާތުގެ ތެރެއިން  ފެނިފައިވާ ކަމަށެވެ.