ޝަރީއަތް ނިމެންދެން ޝަމްއާން ބަންދުކުރަން އަމުރުކޮށްފި

ކުރީގެ އިމިގްރޭޝަން ކޮންޓްރޯލަރު ޝަމްއާން ވަހީދު --

ކުރީގެ އިމިގްރޭޝަން ކޮންޓްރޯލަރު މުޙައްމަދު ޝަމްއާން ވަހީދު، ޝަރީއަތް ނިމެންދެން ބަންދުކުރުމަށް ކްރިމިނަލް ކޯޓުން މިއަދު އަމުރުކޮށްފި އެވެ.

މޯލްޑިވްސް އިމިގްރޭޝަންގެ ބައެއް މުވައްޒަފުން، މަގާމުގެ ނުފޫޒު ނަހަމަ ގޮތުގައި ބޭނުންކޮށް، ބިދޭސީ މަސައްކަތްތެރީންގެ އަތުން ނާޖާއިޒު މަންފާ ހޯދަމުންދާ ކަމަށް ތުހުމަތު ކުރެވޭ މައްސަލައާ ގުޅުވައިގެން ޝަމްއާން ހައްޔަރުކުރީ މިދިޔަ މަހުގެ 22 ވަނަ ދުވަހު އެވެ.

ފުލުހުން މީޑިއާތަކާ ހިއްސާކުރި މެސެޖުގައި ބުނީ ޝަމްއާންގެ ބަންދުގެ މުއްދަތު އިތުރުކުރުމަށް މިއަދު ކޯޓަށް ހާޒިރު ކުރުމުން ޝަރީއަތް ނިމެންދެން ބަންދު ކުރުމަށް އަމުރުކޮށްފައިވާ ކަމަށެވެ.

މި މައްސަލައިގައި ޝަމްއާން، ދިރިއުޅޭ ގެ ބަލައި ފާސް ކުރި އިރު، 257،475 ރުފިޔާ އާއި 10،000 ޑޮލަރު އަދި އެހެން ބައެއް ގައުމު ތަކުގެ ފައިސާ ފެނިފައިވާ ކަމަށް ފުލުހުން ބުނެފައިވެ އެވެ.

ޝަމްއާންގެ އިތުރުން ދެން މި މައްސަލައިގައި ހައްޔަރުކޮށްފައި ތިބި ހަތަރު މީހުންނަކީ، ތ. ބުރުނި، މޫނިމާގެ މުޙައްމަދު އަލްސަން އިސްމާއީލް، 21، އާއި ގ. ހެޕީސައިޑް ހަސަން ސަހެޝާން، 47، އާއި ގ. ހެޕީސައިޑް އިބްރާހިމް އަހުމަދު، 37، އަދި މ. ހަޒާރީވިލާ އަހުމަދު ލައްސާނު، 40، އެވެ.

ފުލުހުން އިމިގްރޭޝަން