ޖެނެރޭޝަން ބޭން: ރައީސްގެ ހުށަހެޅުއްވުންތައް ހިއްސާ ކުރައްވައިފި

ޒުވާން ޖީލު ދުންފަތާ ދުރުކުރުމަށް އެކަށައަޅާފައިވާ ޖެނެރޭޝަނަލް ބޭންގައި ހިމެނޭ ރައީސް ޑރ. މުޙައްމަދު މުއިއްޒުގެ ހުށަހެޅުއްވުންތައް އާންމުކޮށް ހިއްސާ ކުރައްވައިފި އެވެ.

"ރައްޔިތުންނާ އެކު" ސިލްސިލާ ޕޮޑްކާސްޓްގެ 2 ވަނަ އެޕިސޯޑްގައި ރައީސް ވިދާޅުވީ މިކަމާ ގުޅޭ ކެބިނެޓް ކަރުދާހެއް، ދިރާސާ ކުރައްވައިގެން ތައްޔާރު ކުރެއްވުމަށް ހެލްތު މިނިސްޓަރު އަބްދުﷲ ނާޒިމް އާހަވާ ލުކުރައްވާފައިވާނެ ކަމަށެވެ. އަދި އެ ކަރުދާސް ތައްޔާރު ކުރުމުގައި މިކަމާ ގުޅޭ ފަރާތް ތަކުގެ ތެރޭގައި ހިމެނިވަޑައިގަންނަވާ ޑޮކްޓަރުންނާއި، އެނޫން ފަރާތް ތަކުގެ މަޝްވަރާ ވެސް ހޯއްދަވަން އިރުޝާދު ދެއްވާފައިވާނެކަން އެ މަނިކުފާނު ހާމަ ކުރެއްވި އެވެ.

ޖެނެރޭޝަނަލް ބޭން، ކަނޑައެޅުމުގައި ރައީސް ހުށައަޅުއްވާ ގޮތްތައް:

• 2007ވަނަ އަހަރުގެ ޖެނުއަރީ 1އިން ފެށިގެން އުފަންވީ އަދި އުފަންވާނެ ހުރިހާ ކުދިންނަށް ދުންފަތުގެ އިސްތިއުމާލު ކުރުން މަނާ ކުރުން

• 2004ވަނަ އަހަރުގެ ޖެނުއަރީ 1އިން ފެށިގެން އުފަންވީ އަދި އުފަންވާނެ ހުރިހާ ކުދިންނަށް ދުންފަތުގެ އިސްތިއުމާލު ކުރުން މަނާ ކުރުން

• 2000ވަނަ އަހަރުގެ ޖެނުއަރީ 1އިން ފެށިގެން އުފަންވީ އަދި އުފަންވާނެ ހުރިހާ ކުދިންނަށް ދުންފަތުގެ އިސްތިއުމާލު ކުރުން މަނާ ކުރުން

ރައީސް ވަނީ މި ތިން ގޮތް ހުށައެޅުއްވުމުގެ ފަހަތުގައިވާ ސަބަބު ވެސް ހާމަ ކުރައްވާފަ އެވެ.

އެ ގޮތުން 18 އަހަރާއި 25 އަހަރާއި ދެމެދުގެ އުމުރުފުރާގެ މީހުން، ނުވަތަ ޒުވާނުން އެކަމުގެ ތެރޭގައި އެހާ ގިނަ ދުވަސް ނުވަނީސް، އެ ވަބާއިން ސަލާމަތް ކުރަން ފަސޭހަވާނެ ކަމުގައި ރައީސް ވިދާޅުވި އެވެ.