އުތީމު ކައުންސިލްގެ އައު އިމާރާތް އަޅާނެ ބަޔަކު ހޯދަން ބީލަމަށް ހުޅުވައިލައިފި

އުތީމު ކައުންސިލް އިދާރާ --

ހއ. އުތީމު ކައުންސިލުން ދޭ މައުލޫމާތާއި އެއްގޮތަށް އުތީމު ކައުންސިލްގެ އައު އިމާރާތް އަޅައިދޭނެ ބަޔަކު ހޯދަން ބީލަމަށް ހުޅުވާލައިފި އެވެ.

އުތީމު ކައުންސިލުން ކުރި އިއުލާނުގައިވާ ގޮތުން ބިޑުގައި ބައިވެރިވުމަށް ޝައުގުވެރިވާ ފަރާތް ތަކުން އޭޕްރީލް މަހުގެ އެއް ވަނަ ދުވަހުގެ 13:00ގެ ކުރިން،info@utheem.gov.mv އަށް އީމެއިލް ކުރަން ޖެހެ އެވެ.

އެ މުއްދަތުގެ ތެރޭގައި ބިޑު ރެޖިސްޓްރޭޝަން ފޯމް ހުށަހަޅާފައި ނުވާ ފަރާތް ތަކަށް ބިޑު ހުށަހެޅުމުގެ ފުރުސތު ނުލިބޭނެ އެވެ. ބިޑު ރަޖިސްޓްރީ ކުރާ ފަރާތް ތަކަށް މި މަސައްކަތާ ގުޅޭ މައުލޫމާތާއި، ބިޑިން ޑޮކިއުމެންޓުތައް އީމެއިލް ކުރެވޭނެ އެވެ. އަދި، އިތުރު މައުލޫމާތު ސާފު ކުރުމަށް ބޭނުންވާ ނަމަ އެ މުއްދަތުގެ ތެރޭގައި ސާފު ކުރާން ބޭނުންވާ މައުލޫމަތު ވެސް މެއިލް ކުރެވޭނެ އެވެ.

ބިޑު ހުށަހެޅުން އޮންނާނީ އޭޕްރިލް 15 ވާ އަންގާރަ ދުވަހުގެ މެންދުރުފަހު 13:00 ގައި ހއ. އުތީމު ކައުންސިލްގެ އިދާރާގަ އެވެ.

ކައުންސިލުން ބުނީ މިކަމަށް އެދި ކުރިމަތި ލެވޭނީ ދިވެހިރާއްޖޭގެ ވިޔަފާރި ގާނޫނުގެ ދަށުން ރަޖިސްޓަރީ ކޮށްފައިވާ ތަންތަނާއި އަމިއްލަ ފަރުދުންގެ ވިޔަފާރި ގާނޫނުގެ ދަށުން ރަޖިސްޓަރީވެފައިވާ ފަރާތް ތަކަށް ކަމަށެވެ.

އިތުރު މައުލޫމާތު ހޯދުމަށް ގުޅަން ޖެހޭނީ 6500038 ނަންބަރު ފޯނަށެވެ.

ހއ. އުތީމު