އިމިގްރޭޝަން މައްސަލައިގައި ހައްޔަރުކުރި މީހުންގެ ވަނަވަރު އާންމުކޮށްފި

އިމިގްރޭޝަން މައްސަލައިގައި ހައްޔަރު ކުރި މީހުން -- ފޮޓޯ/ ޕޮލިސް

އިމިގްރޭޝަންގެ ބައެއް މުވައްޒަފުން މަގާމުގެ ނުފޫޒު ނަހަމަ ގޮތުގައި ބޭނުންކޮށް، ބިދޭސީ މަސައްކަތްތެރީންގެ އަތުން ނާޖާއިރު ފައިދާ ހޯދަމުންދާ ކަމަށް ތުހުމަތު ކުރެވޭ މައްސަލައިގައި ހައްޔަރު ކުރި މީހުންގެ ވަނަވަރު އާންމު ކޮށްފި އެވެ.

މި މައްސަލައާ ގުޅުވައިގެން މި މަހުގެ 20 ވަނަ ދުވަހުގެ ރޭ ހައްޔަރު ކޮށްފައި ވަނީ ތ. ބުރުނީ، މޫނިމާގެ މުޙައްމަދު އަލްސަން އިސްމާއިލް، 21، އާއި ގ. ހެޕީސައިޑް އިބްރާހިމް އަހުމަދު، 37، އާއި ގ. ހެޕީސައިޑް ހަސަން ސަހެޝާން، 47، އެވެ.

އަދި މި މަހުގެ 21 ވަނަ ދުވަހުގެ ރޭ ވަނީ ކުރީގެ އިމިގްރޭޝަން ކޮންޓްރޯލާ، ގ. ލިޓޯނިޔާ މުޙައްމަދު ޝަމްއާން ވަހީދު، 36، ހައްޔަރު ކޮށްފަ އެވެ.

އޭގެ އިތުރުން މި މައްސަލައިގައި މ. ހަޒާރީ ވިލާ އަހުމަދު ލައްސާން، 40، ވަނީ ކޯޓު އަމުރެއްގެ ދަށުން މި އަދުގެ ވަގުތެއްގައި ހައްޔަރުކޮށްފަ އެވެ.

ފުލުހުން އަންނަނީ މި މައްސަލަ ތަހުގީގު ކުރަމުންނެވެ.

އިމިގްރޭޝަން ފުލުހުން