މާފުށީ ޖަލުގައި ހުކުމް ތަންފީޒުކުރަމުން ދިޔަ ގައިދީއަކު މަރުވެއްޖެ

މާފުށީ ޖަލު --ފޮޓޯ/ މިހާރު

މާފުށީ ޖަލުގައި ހުކުމް ތަންފީޒު ކުރަމުން ދިޔަ ގައިދީއަކު މިއަދު މަރުވެއްޖެ އެވެ.

މަރުވެފައިވަނީ ސ. މަރަދޫ، ފޯ ފްލާވާ އިބްރާހިމް ޝަމްވީލް، 23، އެވެ.

އިމިގްރޭޝަނުން ބުނީ މިއަދު ހަވީރު 4:20 ހާއިރު ޝަމްވީލްގެ ގޮޅީގައި ދަންޖެހިފައި ހުއްޓާ ފެނުމުން، ވަގުތުން އޭނާ ވަނީ މާފުށީ ހޮސްޕިޓަލަށް ގެންގޮސްފައިވާ ކަމަށެވެ. އަދި 4:55 ގައި އޭނާ މަރުވެފައިވާ ކަމަށް ޑޮކްޓަރުންނާ ހަވާލީދީ އެ އިދާރާއިން ބުންޏެވެ.

ޝަމްވީލް އަކީ މީހެއްގެ ފުރާނައަށް ގެއްލުމެއް ދީފާނެ ކަމުގެ ބިރުދައްކާ އެ ފަދަ ކަމެއް ކޮށްފާނެ ކަމުގެ ކުށުގައި 1 އަހަރާއި 6 މަސް ދުވަހުގެ ހުކުމެއް ތަންފީޒު ކުރަމުން އައި މީހެކެވެ.

ޝަމްވީލް މަރުވުމުން، ފުލުހުންނަށާއި އޭނާގެ އާއިލާ އަށާއި އިންސްޕެކްޓާ އޮފް ކަރެކްޝަނަލް ސާވިސްއަށާއި ހިއުމަން ރައިޓްސް ކޮމިޝަން އޮފް ދަ މޯލްޑިވްސްއަށާއި ނެޝަނަލް އިންޓެގްރިޓީ ކޮމިޝަން އެކަން ވަގުތުން އަންގާފައިވާ ކަމަށް ވެސް ކަރެކްޝަނުން ބުނެފައިވެ އެވެ.

ކަރެކްޝަން ސާރވިސް