ކަނޑުމަގުން ހަތް ކިލޯގެ ޑުރަގު އެތެރެކުރި މީހުންގެ ވަނަވަރު އާންމުކޮށްފި

ކަނޑުމަގުން ރާއްޖެއަށް ޑުރަގު އެތެރެކުރި 10 ބިދޭސީން -- ފޮޓޯ/ ޕޮލިސް

ރާއްޖެއަށް މަސްތުވާތަކެތި އެތެރެކޮށް އެ ތަކެތީގެ ވިޔަފާރި ކުރި ކަމުގެ ތުހުމަތުގައި 10 މީހަކު ހައްޔަރުކޮށްފި އެވެ.

އެ މީހުން ހައްޔަރު ކޮށްފައި ވަނީ، ފުލުހުންނަށް ލިބުނު މައުލޫމާތަކާ ގުޅިގެން މި މަހުގެ 21 ވަނަ ދުވަހު ދަންވަރު ހިންގި ޖޮއިންޓް އޮޕަރޭޝަނެއްގައި މާލެ ސަރަހައްދުން ބޯޓެއް ބަލައި ފާސްކޮށް، ހަތް ކިލޯއަށްވުރެ، ގިނަ މަސްތުވާތަކެއްޗާއެކު އެވެ.

މި އޮޕަރޭޝަންގައި މޯލްޑިވްސް ނެޝަނަލް ޑިފެންސް ފޯސް އަދި މޯލްޑިވްސް ކަސްޓަމްސް ސަރވިސް އިން ބައިވެރިވެފައިވެ އެވެ.

މި މައްސަލައިގައި ހައްޔަރު ކޮށްފައި ވަނީ އިންޑޮނޭޝިއާގެ ރައްޔިތުން ކަމަށްވާ ނަސްވަން އާދިލް، 30، އާއި އެޑްރިއަންސަޔާ، 25 އާއި މުޙައްމަދު އިގުބާލް މަކްރޫމް، 30، ގެ އިތުރުން އިންޑިއާގެ ރައްޔިތުން ކަމަށްވާ ޕްރަބާކަރަން ނަގަރާޖަން، 35، އާއި ރޯމަންސް ސަންތިޔާ ފެނާންޑޯ، 58، ގަނޭޝް ބޮމްމާލީ، 22، އާއި ޑަތުކިލޭ ދަރްޝަން ވިޖޭ، 22، އާއި ޕީޓާ ވިނީ، 28، އާއި ސަރަން ޕަދްމަން، 28، އަދި ގޯސިކް ރާޖް ޖޭމްސް ނޮކްސް، 30، އެވެ.

އެ މީހުންގެ ބަންދާމެދު ގޮތެއް ނިންމުމަށް ކޯޓަށް ހާޒިރު ކުރުމުން 5 މީހަކު 5 ދުވަހަށް އަދި 5 މީހަކު އެއް ދުވަހަށް ބަންދު ކުރުމަށް ވަނީ އަމުރުކޮށްފަ އެވެ. އެއް ދުވަހަށް ބަންދު ކުރުމަށް އަމުރު ކުރި މީހުންގެ ބަންދު އިތުރު ކުރުމަށް މިއަދު ހާޒިރު ކުރުމުން އެކަކަށް އިތުރު 3 ދުވަހަށް އަދި ހަތަރު މީހެއްގެ ބަންދަށް 15 ދުވަސް ދީފައިވެ އެވެ.

ފުލުހުން