ހަތަރު ރަށެއްގައި ކުނި މެނޭޖުކުރާ މަރުކަޒު ހަދަން ސޮއިކޮށްފި

ޓޫރިޒަމް މިނިސްޓްރީން އއ. ހިމަންދޫ، ފެރިދޫ، އަދި ތޮއްޑޫގެ އިތުރުން ކާށިދޫގައި ކުނި މެނޭޖުކުރާ މަރުކަޒު ގާއިމު ކުރުމަށް އިއްޔެ އެއްބަސްވުމުގައި ސޮއިކޮށްފި އެވެ.

މަޝްރޫއުތައް ކުރިއަށް ގެންދިއުމަށް ފައިނޭންސް ކުރަނީ އޭޝިއަން ޑިވެލޮޕްމަންޓް ބޭންކް (އޭޑީބީ) އާއި ދިވެހި ސަރުކާރުން ކަމަށް މިނިސްޓްރީން މައުލޫމާތު ދީފައިވެ އެވެ.

މި މަޝްރޫއު ތަކުގެ ދަށުން ހަތަރު ރަށުގައި ވެސް ޒަމާނީ ފެންވަރުގެ ކުނި މެނޭޖްކުރާ މަރުކަޒު ތަކެއް ގާއިމު ކުރާނެ އެވެ. މިއީ ރާއްޖޭގެ ރަށްރަށުގައި ކުނި މެނޭޖު ކުރުމުގެ ނިޒާމު ހަރުދަނާކޮށް، ތިމާވެށި ރައްކާތެރިކުރުމަށް ސަރުކާރުން ކުރަމުންދާ މަސައްކަތުގެ ތެރެއިން ހިންގާ މަޝްރޫއު ތަކެކެވެ.

ޓޫރިޒަމް މިނިސްޓަރު ތޯރިގު އިބްރާހީމް ވިދާޅުވީ މި މަޝްރޫއުތައް ފެށުމަކީ ރާއްޖޭގެ ރަށްރަށުގައި ދެމެހެއްޓެނިވި ގޮތެއްގައި ކުނި މެނޭޖު ކުރުމުގެ ނިޒާމެއް ގާއިމު ކުރުމަށް އެޅޭ މުހިންމު ފިޔަވަޅެއް ކަމަށެވެ. އަދި މި މަޝްރޫއުތައް ނިމުމުން އެ ރަށްރަށުގެ ރައްޔިތުންނަށް ސާފު އަދި ދުޅަހެޔޮ ތިމާވެއްޓެއްގައި ދިރިއުޅުމުގެ ފުރުސަތު ލިބިގެންދާނެ ކަމަށް ވެސް އެ މަނިކުފާނު ވިދާޅުވި އެވެ.

މި މަޝްރޫއުތައް ނިންމުމަށް ކަނޑައަޅާފައިވަނީ އަންނަ އަހަރުގެ ފަހުކޮޅު ކަމަށް މިނިސްޓްރީން ބުނެފައިވެ އެވެ. އަދި މި މަޝްރޫއުތައް ނިމުމުން އެ ރަށްރަށުގެ ކައުންސިލްތަކާ ހަވާލުކުރެވޭނެ ކަމަށް ވެސް މައުލޫމާތު ދީފައިވެ އެވެ.

މިނިސްޓްރީ އޮފް ޓޫރިޒަމް އެންޑް އެންވަޔަރަންމަންޓް