ގޮވާމުން ޒަކާތް ދެއްކުމުގެ ފުރުސަތު ހޮނިހިރު ދުވަހު ހުޅުވާލަނީ

ގޮވާމުން ޒަކާތް ބަލައިގަތުން ހޮނިހިރު ދުވަހު ފަށަނީ --

ގޮވާމުގެ ބާވަތް ތަކުން ފިތުރު ޒަކާތް ދެއްކުމުގެ ފުރުސަތު އަންނަ ހޮނިހިރު ދުވަހު ހުޅުވާލާނެ ކަމަށް އިސްލާމިކް މިނިސްޓްރީން މިއަދު ބުނެފި އެވެ.

އެ މިނިސްޓްރީން ކުރި އިއުލާނެއްގައި ވަނީ ގޮވާމުން ޒަކާތް ދައްކަން ބޭނުންވާ ނަމަ އަންނަ ހޮނިހިރު ދުވަހުން ފަށައިގެން މި މަހުގެ 27 ވާ ބުރާސްފަތި ދުވަހުގެ ނިޔަލަށް އޮންނާނެ ކަމަށެވެ.

ޒަކާތުގެ ގޮތުގައި ދައްކަން ޖެހޭނީ އެ ބަޔަކު އާންމު ގޮތެއްގައި ކެއުމަށް ބޭނުން ކުރާ ބާވަތަކުން ބޮލަކަށް 2.4 ކިލޯ އެވެ.

ގޮވާމުން ޒަކާތް ބަލައިގަންނާނީ މަޖީދިއްޔާ ސުކޫލުގެ ސަލާހުއްދީން ހޯލް (ކުރީގެ ދަރުމަވަންތަ ސުކޫލް ހޯލް) ގަ އެވެ. ޒަކާތް ބަލައިގަންނާތީ ކޮންމެ ދުވަހެއްގެ މެންދުރު ފަހު، 1:00 އިން ހަވީރު 4:00 އާ ހަމައަށެވެ.

ފިތުރު ޒަކާތުގެ ގޮތުގައި ބަލައިގަތުމަށް ހަމަޖެހިފައިވާ ގޮވާމުގެ ބާވަތް ތަކަކީ، އާދައިގެ ހަނޑޫ، ތައިލެންޑު ހަނޑޫ، ބާސްމަތީ ހަނޑޫ، ރަތް ހަނޑޫ، ގޮދަންފުށް، އަދި އާޓާ ފުށެވެ.

ގޮވާމުގެ ބާވަތް ތަކުން ޒަކާތް ދެއްކުމުގެ ފުރުސަތު ހޮނިހިރު ދުވަހު ހުޅުވާލާއިރު، މި އަހަރުގެ ފިތުރު ފިތުރު ޒަކާތް ދެއްކުމަށް ވަނީ ޕޯޓަލެއް ހަމަޖައްސާފަ އެވެ. އެއީ ބީއެމްއެލް އާއި އެމްއައިބީ އާއި އުރީދޫ އާއި ބަނޑޭރި ޕޯޓަލުގެ އިތުރުން ދިރާގު ފަހި ޕޭ އެވެ.

އިސްލާމިކް މިނިސްޓްރީ