މާޗު 20އިން ފަށައިގެން ރޯދަ މަހުގެ ފަހުދިހައިގައި ސަރުކާރު ބަންދު ވާނެ

ރައީސް އޮފީސް

މިހިނގާ މާޗު މަހުގެ 20 އިން ފަށައިގެން ރަމަޟާންމަހުގެ ފަހުދިހައިގައި ސަރުކާރުގެ އޮފީސްތައް ބަންދުވާނެ ކަމަށް ރައީސް އޮފީހުން މިއަދު ބުނެފި އެވެ.

1445ވަނަ އަހަރުގެ ރޯދަ މަހުން ފަށައިގެން، ކޮންމެ އަހަރެއްގެ ރޯދަ މަހުގެ 20ވަނަ ދުވަހުން އެ މަހުގެ ނިޔަލަށް ހިނގާ ދުވަސްތަކަކީ، ސަރުކާރު ބަންދު ދުވަސްތަކެއް ކަމަށް ރައީސް އޮފީހުން ވަނީ ހަމަޖައްސާފަ އެވެ.

ރައީސް އޮފީހުން ބުނީ މިގޮތަށް ހަމަޖެއްސެވީ، އިސްލާމީ އުސޫލުތައް ގާއިމު ކުރުމަށާއި، ދީނީ ކަންކަމަށް ރައްޔިތުން ލޯބި ޖެއްސުމާއި، ދީނީ ކަންކަމަށް އިސްކަން ދިނުމަށް ފުރުސަތު ދިނުމުގެ ގޮތުން ކަމަށެވެ.

ސަރުކާރު ބަންދުވާ ދުވަސް ތަކުގައި، އެކިއެކި މުއައްސަސާ ތަކުން ރައްޔިތުންނަށް ކޮންމެހެން ދޭން ޖެހޭ ހިދުމަތްތައް، އެ މުއައްސަސާ ތަކުން ކަނޑައަޅާފައިވާ ގޮތެއްގެ މަތީން ދިނިމުގެ އިންތިޒާމު، އެ މުއައްސަސާއަކުން ހަމަ ޖެއްސެއްސުމަށް ވެސް ރައީސް އޮފީހުން ވަނީ އަންގާ ފައެވެ.

ރައީސް އޮފީސް