ރާއްޖެއަށް އެތެރެ ކުރާން އުޅުނު 400 ވޭޕު އަތުލައިގެންފި

ރާއްޖެއަށް އެތެރެކުރާން އުޅުނު 400 ވޭޕް ކަސްޓަމްސުން ވަނީ އަތުލާފައި --

ރާއްޖެ އެތެރެ ކުރާން އުޅުނު ގިނަ އަދަދެއްގެ ވޭޕް ކަސްޓަމްސުން އަތުލައިގެންފި އެވެ.

ކަންޓަމްސުން ބުނީ މި ތަކެތި ފެނުނީ ޖެނެރަލް ކާގޯގެ ގޮތުގައި ހާބަރަށް ގެނެސްފައިވާ ޝިޕްމެންޓެއްގައި ހިމެނޭ މުދަލުގެ ތެރޭގައި ވޭޕް ސްޓިކް ފޮރުވާފައި ހުރި ކަމަށް ޝައްކު ކުރެވިގެން، އިތުރަށް ބެލި ބެލުމުން ކަމަށެވެ.

އެ ގޮތުން އެ ޝިޕްމަންޓުގައި ހިމެނޭ މުދަލުގެ ތެރޭގައި ވޭޕް ސްޓިކް ފޮރުވާފައި ހުރި ކަމަށް ޝައްކު ކުރެވިގެން، އިތުރަށް ބެލި ބެލުމުން 400 ވޭޕް ހިމެނޭ ޕެކޭޖެއް އަތުލައިގެންފައިވާ ކަމަށް ކަސްޓަމްސުން ބުންޏެވެ.

ފުލުންގެ އިންޓެލިޖެންސަށް ލިބުނު މައުލޫމާތަކަށް ބިނާކޮށް ފުލުހުން ހިންގި އޮޕަރޭޝަނެއްގައި ވެސް ވަނީ ގިނަ އަދަދެއްގެ ވޭޕާއި ފައިސާ އަތުލާފަ އެވެ.

ދުންފަތް ކޮންޓްރޯލް ކުރުމާ ބެހޭ ގާނޫނުގެ ދަށުން ރާއްޖެއަށް ވޭޕްގެ ބާވަތްތައް އެތެރެ ކުރާ މީހަކު 50،000 ރުފިޔާއިން ޖޫރިމަނާ ކުރާނެ އެވެ. އެތެރެ ކުރާ ކޮންމެ އިލެކްޓްރޯނިކް ސިނގިރޭޓް ނުވަތަ ވޭޕަކަށް ވެސް 10،000 ރުފިޔާގެ މަގުން ޖޫރިމަނާ ކުރާނެ އެވެ.

އަދި ވޭޕު ކުރާން ބޭނުން ކުރާ އެއްވެސް ބާވަތެއްގެ އާލާތެއް ރާއްޖޭގައި ވިއްކައިފި ނަމަ، 20،000 ރުފިޔާއިން ޖޫރިމަނާ ކުރުމާއެކު ވިއްކި ކޮންމެ އެއްޗަކަށް 10،000 ރުފިޔާގެ މަގުން ޖޫރިމަނާ ކުރާނެ އެވެ. އެފަދަ އެއްޗެއް ހިލޭ ބަހައިފި މީހަކު ވެސް 10،000 ރުފިޔާއިން ޖޫރިމަނާ ކުރާނެ އެވެ.

ކަސްޓަމްސް