"އޮޅުހިޔާ"އަށް ބުޅާ ގެންދަން ފަށައިފި

މަލޭ މަގުމަތީގައި އުޅޭ ވަގު ބުޅާތަކެއް -- ފޮޓޯ/ ސިޓީ ކައުންސިލް

ހުޅުމާލޭގައި ތަރައްގީކޮށްފައިވާ ބުޅާ ފެސިލިޓީ "އޮޅުހިޔާ"އަށް ގެންދާންޖެހޭ ބުޅާތައް ގެންދަން ފަށައިފި އެވެ.

އެނިމަލް ވެލްފެއާ މިނިސްޓްރީން މިއަދު ކުރި އެކްސް ޕޯސްޓެއް ބުނީ އޮޅު ހިޔާ ފެސިލިޓީއާ ހަވާލުވެވުނުތާ އެންމެ 16 ގަޑިއިރުގެ ތެރޭގައި، އެ މިނިސްޓްރީގެ ޓީމުން އައު ކަރަންޓީނު ސަރަހައްދަށް ބޭނުންވާ ވަސީލަތްތައް ގާއިމުކޮށް އެންމެހާ ކަންކަން ފުރިހަމަކޮށްފައިވާ ކަމަށެވެ.

މިހާތަނަށް، 15 ބުޅާ އެ ފެސިލިޓީއަށް ގެނެސްފައިވާ ކަމަށާއި އެކަން ހާސިލު ކުރެވުނީ މިނިސްޓްރީގެ ޓާސްކު ފޯހުން ހުއްޓުމެއްނެތި ކުރި މަސައްކަތާއި، ހިތްވަރާއިއެކު އެކަމަށް އެއްބާރުލުން ދިން އެންޖީއޯ ތަކުގެ މިންނެތް މަސައްކަތުގެ ސަބަބުން ކަމަށް ވެސް އެ މިނިސްޓްރީން ބުންޏެވެ.

އޮޅުހިޔާއަކީ މާލޭ ސަރަހައްދުގެ މަގުތަކުގައި އުޅޭ ވަގު ބުޅާތައް ބަލަހައްޓާ ކަރަންޓީނު ކުރާން މި ސަރުކާރުން ތަރައްގީ ކުރި ތަނެކެވެ.

މުޅިއެކު 5000 އަކަފޫޓުގެ ބިމެއްގައި ހަދާފައިވާ މި ފެސިލިޓީގައި ކުލިނިކު އަދި ލެބޯޓްރީއެއްގެ އިތުރުން ބުޅާ ތަކަށް ބޭނުންވާ އެކި ކަހަލަ ބޭސް ވިއްކުމަށް ފާމަސީއަކާއެކު އެ ބުޅާތައް ކުޅެލާ ހަދާލަން ނުކުމެ އުޅެން ވެސް ވަކި ސަރަހައްދެއް ކަނޑައަޅާފައިވެ އެވެ.

ނިސްޓްރީ އޮފް އެގްރިކަލްޗާ އެންޑް އެނިމަލް ވެލްފެއާ