ހޫނު ގަދަ ކަމުން ދެން މަސްދަޅު ކޭސް ބަހާނީ ރޭގަނޑު

ހޫނު ގަދަ ކަމުން މަސްދަޅު ކޭސް ބެހުން، ދެން ކުރިއަށް ގެންދާނީ ހަމައެކަނި ރޭގަނޑު ކަމަށް ލޯކަލް ގަވަމަންޓް މިނިސްޓަރު އާދަމް ޝަރީފް އުމަރު ވިދާޅުވެއްޖެ އެވެ.

އާދަމް ޝަރީފް، މިއަދު ކުރެއްވި އެކްސް ޕޯސްޓުގައި ވިދާޅުވީ މި ދުވަސްވަރަކީ ހޫނުގަދަ ދުވަސްވަރަކަށް ވާތީ ދުވާލު ރޯދަ ހަދިޔާ ދޫކުރުމެއް ނޯންނާނެ ކަމަށެވެ. އަދި މިއަދުން ފަށައިގެން މަސްދަޅު ކޭސް ބެހުން ކުރިއަށް ގެންދާނީ ރޭގަނޑު 8.00 އިން 12.00 އަށް ކަމަށް ވެސް އެ މަނިކުފާނު ވިދާޅުވި އެވެ.

ރޯދަ މަހު ކޮންމެ ގޭބިސީއަކަށް، ސަރުކާރުން ހަދިޔާކުރާ މަސްދަޅު ކޭސް ދޫކުރާ ތަންނަން:

1. މިފްކޯ ކޮމްޕްލެކްސް (މާފަންނު)

2. އެމްޓީސީސީ ސޯމިލް

3. ހެންވޭރު ދަނޑު

4. ގަލޮޅު ދަނޑު – ސެޓަޕް 1

5. ގަލޮޅު ދަނޑު – ސެޓަޕް 2

6. ގަލޮޅު ދަނޑު – ސެޓަޕް 3

7. ގަލޮޅު ދަނޑު – ސެޓަޕް 4

8. ސޯޝަލް ސެންޓަރު

9. ވިލިމާލެ – ވެމްކޯ ސައިޓް

10. ހުޅުމާލެ – އުމަރު ޒާހިރު ބިލްޑިން

11. ހުޅުމާލެ – ޕޮލްކޯ ޓަވަރު (ސީ ބްލޮކް)

12. ހުޅުމާލެ – ހިޔާ ޓަވަރު 10

13. ހުޅުމާލެ – ކާމިލްދީދީ ޕްރީ ސުކޫލު

މާލެ ސަރަހައްދުގައި މަސްދަޅު ކޭސް ދޫކުރާން ފެށީ މި ދިޔަ ބުރާސްފަތި ދުވަހުގެ ރޭ 8:00 ގަ އެވެ. އެރޭ އެކަން ފެށުމާއެކު ސަރަހައްދު ތަކުގައި ދަމާލި ދިގު ކިއުގައި ތިބި ބައެއް މީހުންނަށް މަސްދަޅު ލިބުނީ މެންދަމުންއަލިވެ، ތިނެއްވެސް ޖެހި ފަހުންނެވެ.

ސަރުކާރުން ނިންމާފައިވަނީ މާލޭގެ ހުރިހާ ގޭބިސީތަކަށް ރޯދަ ހަދިޔާ ލިބެންދެން މި މަސައްކަތް ކުރިއަށް ގެންދާ ގޮތަށެވެ.