ވެމްކޯއަށް މަގު ކުނިކަހާ މީހުން ހޯދަން އިއުލާންކޮށްފި

ވެމްކޯގެ މުވައްޒަފުންތަކެއް މަގުން ކުނި ނަގަނީ -- ފޮޓޯ/ މިހާރު

ހުޅުމާލެ ކުނިކަހާ ސާފު ކުރާނެ މީހުން ހޯދަން ވޭސްޓް މެނޭޖުމެންޓު ކޯޕަރޭޝަން (ވެމްކޯ) އިން އިއުލާން ކޮށްފި އެވެ.

ވެމްކޯއިން މިއަދު ގެޒެޓްކުރި އިއުލާންގައި ބުނަނީ އެ ކުންފުނީގެ ހުޅުމާލެ އޮޕަރޭޝަނަށް 13، މަގު ކުނިކަހާ މީހުން ބޭނުންވާ ކަމަށެވެ. ބޭނުން ވަނީ މަސައްކަތަށް ޝައުގުވެރިކަން ހުރި ގާބިލު މީހުންނެވެ.

އެ ވަޒީފާއަށް ހޮވާ މީހަކަށް މުސާރަ އާއި އިނާޔަތުގެ ގޮތުގައި މަހަކު 8،000 ރުފިޔާ ލިބޭނެ އެވެ.

މި ވަޒީފާ ތަކަށް ކުރިމަތިލާ މީހެއްގެ ކިބައިގައި ހުންނާން ޖެހޭ ޝަތުރު ތަކުގެ ތެރޭގައި ދިވެހި ރައްޔިތެއް ކަމުގައި ވުމާއި، އަމިއްލަ އަށް އިސް ނަގައިގެން މަސައްކަތް ކުރެވޭނެ ފަރާތެއް ކަމުގައިވުމާ އެކު، މަގާމުގެ މަސްއޫލިއްޔަތު އަދާ ކުރެވޭ ފަދަ ސިއްހަތެއްގައި ހުރި މީހަކަށް ވާން ޖެހެ އެވެ.

ވަޒީފާ އަށް އެންމެ ގާބިލް ފަރާތެއް ހޮވުމުގައި ބަލާނެ ކަންތައް ތަކަކީ، މަގާމުގެ މަސްއޫލިއްޔަތު އަދާ ކުރެވޭ ފަދަ ސިއްހަތެއްގައި ހުރި މީހެއް ކަމުގައިވުން އަދި މީހުންނާއި ރަނގަޅަށް މުއާމަލާތް ކުރަން އިނގޭ ފަރާތަކަށް ވުން، މިއެވެ.

ވެމްކޯއިން ވަނީ އެ ވަޒީފާއަށް ހުށަހެޅުމުގެ ފުރުސަތު ފެބުރުއަރީ މަހުގެ 24 ވާ ހޯމަ ދުވަހުގެ 12:00އާ ހަމައަށް ހުޅުވާލާފަ އެވެ.

ވަޒީފާއަށް މީހުން ހޮވުމަށް ބާއްވައި އިންޓަވިއު އާއި އިމްތިހާނު ކުރުން ފެބުރުއަރީ އަދި މާޗު މަހު ކުރިއަށް ގެންދާނެ އެވެ.

ވެމްކޯ