މާރިކިލުގައި ހިންގި އޮޕަރޭޝަނެއްގައި ޑުރަގާއެކު ބަޔަކު އަތުލައިގެންފި

ބ. މާރިކިލުން ޑުރަގާއެކު ހައްޔަރު ކުރި މީހުން --

ބ. މާރިކިލުގައި ހިންގި މަސްތުވާތަކެތީގެ އޮޕަރޭޝަނެއްގައި ނުވަ މީހުން ހައްޔަރުކޮށްފި އެވެ.

ކައުންޓާ ނާކޮޓިކްސް އިންޓެލިޖެންސަށް ލިބުނު މައުލޫމާތަކާ ގުޅުވައިގެން ކުރިއަށް ގެންދިޔަ މި އޮޕަރޭޝަނުގައި ހައްޔަރު ކުރީ މ. ޖަވާހިރުވާދީ، އަލްހާން ރަޝީދު ހުސައިން، 49، އާއި ޏ. ފުވައްމުލައް، ދިގުވާނޑު، ހޮލެންޑް، މަރްޔަމް ރިފާއު، 25، އާއި ރ. އިނގުރައިދޫ ވަފާ، އަބްދުލް މުހުސިން ހަސަން، 65، އާއި އިންޑިއާއަށް ނިސްބަތްވާ ކުމަރެސަން ޗިންނައިއަ، 20، އާއި ދިނޭޝް ސައްމިޔައްޕަން، 29، އާއި އެލަވެންޑަން ސިވަގުނަނަ ސަންޑަރަމް، ސްރީލަންކާ، 39، އާއި ކަނަގަރާޖު ޕޮންނައްޔަ ސުޕައްޔަ، ސްރީލަންކާ، 46، އާއި މުޙައްމަދު މައްސޫދު، ބަނގުލަދޭޝް، 46، އަދި ސަބެޝަން ނަހާރަޖަ، ސްރީލަންކާ، 31، އެވެ.

ފުލުހުން ބުނީ މި މަހުގެ 15 ދުވަހު ހިންގި މި އޮޕަރޭޝަނުގައި މި ނުވަ މީހުން ބަލައި ފާސް ކުރި އިރު 162 ދަޅު ބަނގު ރަލާއި ފަސް ފުޅި ބަނގުރާ އަދި މަސްތުވާތަކެތި ކަމަށް ބެލެވޭ ތަކެތި ފެނިފައިވާ ކަމަށެވެ.

ފެނުނު މަސްތުވާ ތަކެތީގެ ވަގުތީ ބަރުދަނަކީ 12.8 ގުރާމެވެ.

މި މައްސަލައިގައި ހައްޔަރުކުރި ނުވަ މީހުންގެ ބަންދާމެދު ގޮތެއް ނިންމުމަށް ކޯޓަށް ހާޒިރުކުރުމުން ވަފާ، އަބްދުލް މުހުސިން ކޯޓުން ޝަރުތުކުރުމަށްފަހު ދޫކޮށްލައި އަދި ދެންތިބި އަށް މީހުން ވެސް 15 ދުވަހަށް ބަނދު ކުރުމަށް އަމުރުކޮށްފައިވެ އެވެ.

މި މައްސަލަ ފުލުހުން އަންނަނީ ތަހުގީގު ކުރަމުންނެވެ.

ފުލުހުން