ދުންފަތުގެ ނުބައި އާދައިން ދުރުވުމަށް ރައީސް އިލްތިމާސް ކުރައްވައިފި

ދުންފަތުން ދުރުވުމަށް ރައީސް މުއިއްޒު ވަނީ އިލްތިމާސްކުރައްވާފައި --

ކެންސަރުބަލިން ރައްކާތެރިވުމަށް، ދުންފަތުގެ ނުބައި އާދައިން ދުރުވުމަށް ރައީސުލްޖުމްހޫރިއްޔާ ޑރ. މުޙައްމަދު މުއިއްޒު އިލްތިމާސް ކުރައްވައިފި އެވެ.

އެމަނިކުފާނު މިކަމަށް އިލްތިމާސްކުރެއްވީ މިއަދު ފާހަގަކުރާ ދުނިޔޭގެ ކެންސަރު ބަލީގެ ދުވަހުގެ މުނާސަބަތުގައި ކުރެއްވި އެކްސް ޕޯސްޓެއްގަ އެވެ.

ރައީސް ވިދާޅުވީ ކެންސަރު ބަލި ޖެހުމަށް މެދުވެރިވާ އެންމެ ބޮޑު އެއް ސަބަބަކީ ދުންފަތުގެ އިސްތިޢުމާލު ކުރުން ކަމަށާއި އެހެންކަމުން ކެންސަރުބަލީގެ ދުވަހު މި ނުބައި އާދައިން ދުރަށް ދާން އަޒުމު ކަނޑައަޅަންޖެހޭ ކަމަށެވެ.

"ކެންސަރު ބަލި ޖެހުމަށް މެދުވެރިވާ އެންމެ ބޮޑު އެއް ސަބަބަކީ ދުންފަތުގެ އިސްތިއުމާލު ކުރުމުން ކަމުގައިވާތީ، ދުނިޔޭގެ ކެންސަރު ބަލީގެ ދުވަހުގައި މި ނުބައި އާދައިން ދުރުވުމަށް އަޒުމް ކަނޑައަޅަމާތޯ!" ރައީސްގެ އެކްސް ޕޯސްޓްގައިވެ އެވެ.

މި އަހަރުގެ ދުނިޔޭގެ ކެންސަރު ބަލީގެ ދުވަހަށް ކަނޑައަޅާފައިވާ، ޝިއާރަކީ "ޔުނައިޓަޑް ބައި ޔުނީކް" ނުވަތަ "އެފަދަ ދެވަނައެއްނެތް އެއްބައިވަންތަކަން" މިއެވެ.

ހެލްތް ޕްރޮޓެކްޝަން އޭޖެންސީ (އެޗްޕީއޭ)އިން ބުނެފައި ވަނީ ކެންސަރުބަލި މީހުންގެ ދަފްތަރަށް އަހަރު ދުވަސް ތެރޭގައި 200 މީހުން އިތުރުވެފައިވާ ކަމަށެވެ. އެގޮތުން ރާއްޖޭގައި މިދިޔަ އަހަރު ކެންސަރު ބައްޔަށް ފަރުވާ ހޯދައި 14،00އަށްވުރެ ގިނަ މީހުން ރެކޯޑް ކުރެވިފައިވާއިރު މި އަހަރުގެ މިހާތަނަށް އެ އަދަދު އުޅެނީ 1،600އަށްވުރެ މަތީގައި ކަމަށް އެޗްޕީއެން ބުނެއެވެ.

ރައީސް ޑރ މުޢިއްޒު