ވަގަށް މިޔަރާއި މަޑިމަސް ބޭރު ކުރަން އުޅުނު ކުންފުނީގެ ނަން ހާމަކޮށްފި

ކަސްޓަމްސްއިން ހޯދި މިޔަރާއި މަޑިމަސް --- ފޮޓޯ/ ކަސްޓަމަސް

ރާއްޖެއިން މިޔަރު މަހާއި މަޑިމަސް ބޭރު ކުރަން އުޅުނު ކުންފުނީގެ ނަން ހާމަކޮށްފި އެވެ.

މައުލޫމާތު ހޯދައި ލިބިގަތުމުގެ ގާނޫނުގެ ދަށުން ނޫހަކުން މި މައުލޫމާތު ހޯދުމަށް އެދުމުން ކަސްޓަސުން ވަނީ އެ ކުންފުނީގެ ނަން ސިއްރުކޮށްފަ އެވެ.

ގަވައިދާ ހިލާފަށް ރާއްޖެއިން ބޭރުކުރަން އުޅެނިކޮށް ކަސްޓަމްސުން ހިފެހެއްޓި ޝިޕްމަންޓެއްގެ ތެރޭގައި ހުރި 45 ފޮށިގަނޑު ފާސްކުރި އިރު 582 ކިލޯގެ މިޔަރު މަހާއި މަޑިމަސް ވަނީ ފެނިފަ އެވެ.

ކަސްޓަމްސުން ބުނީ އެ ޝިޕްމެންޓް ކަސްޓަމްސް އަށް ޑިކްލެއާ ކޮށްފައި ވަނީ"ދަ ކްރިސްޓަލް ކޮންޕެނީ ޕްރައިވެޓް ލިމިޓެޑް" ނަމަކަށް ކިޔާ ކުންފުންޏަކުން ކަމަށެވެ.

މި މައްސަލަ އަދިވެސް ތަހުގީގު ކުރަމުން އަންނަ ކަމަށް ކަސްޓަސުން މިއަދު ކުރި އެކްސް ޕޯސްޓެއްގައި ބުނެފައިވެ އެވެ.

މިކަމާ ގުޅިގެން ކަސްޓަމްސް އާއި ކަމާބެހޭ އެހެން އިދާރާ ތަކުން ބަލާން ޖެހޭ ބެލުންތައް ބަލައި އަދި ފުރިހަމަ ކުރާން ޖެހޭ އިޖުރާއަތްތައް ފުރިހަމަ ކުރުމަށް ފަހު މިދިޔަ ޑިސެމްބަރު މަހުގެ 22 ވަނަ ދުވަހު އެ ތަކެތި ވަނީ ނައްތާލާފަ އެވެ.

ރާއްޖޭގައި މިޔަރުގެ މަސްވެރިކަން ކުރުން މަނާ ކުރީ 2010 ވަނަ އަހަރު އެވެ. އެއާއެކު މިޔަރުގެ އުރަހަ ފަދަ ތަކެތި އެކްސްޕޯޓު ކުރުންވެސް މަނާ ކުރި އެވެ. އޭރު ދިރާސާތަކުން ދެއްކި ގޮތުގައި ދިރިހުރި މިޔަރެއްގެ ފައިދާ ދިވެހި އިގްތިސާދަށް މާ ބޮޑަށް ކުރެ އެވެ.

ކަސްޓަމްސް