ބްރޯޑްކާސްޓިން ދާއިރާއަށް ދަރިވަރުންގެ ޝައުގު އުފެއްދުމަކީ މުހިއްމު ކަމެއް

މިރޭގެ ހަފްލާގައި މެޑަމް ސާޖިދާ ވާހަކަފުޅު ދައްކަވަނީ --

ބްރޯޑްކާސްޓިން ދާއިރާގެ މުހިންމުކަން ދަރިވަރުންނަށް އުނގަންނައިދީ، އެ ދާއިރާއާ މެދު ޝައުގުވެރިކަން އުފެއްދުމަކީ މުހިންމު ކަމެއް ކަމަށް ރައީސުލްޖުމްހޫރިއްޔާގެ އަނބިކަނބަލުން މެޑަމް ސާޖިދާ މުޙައްމަދު ވިދާޅުވެއްޖެ އެވެ.

އެކަމަނާ މިހެން ވިދާޅުވީ، މިއަދު ނޭޝަނަލް އާޓް ގެލެރީގައި ބޭއްވި، "ވިޝަންސް އޮފް ދަ ފިއުޗާ" ކުރެހުމުގެ މުބާރާތުގެ އިނާމު ދިނުމުގެ ރަސްމިއްޔާތު ޝަރަފުވެރިކޮށްދެއްވައި ވާހަކަފުޅު ދައްކަވަމުންނެވެ.

ސާޖިދާ ވިދާޅުވީ ރާއްޖޭގެ ބްރޯޑްކާސްޓިންގެ ހިދުމަތަކީ، ދުރުދުރުގައި މާކަނޑެއްގެ އުސްރާޅުތަކުގެ ނިވަލުގައި އެތުރިފައިވާ ރަށްތައް ގުޅުވައިލަދިން، ގައުމީ ބަދަހިކަމުގެ އަގުހުރި ގާދިމެއް ކަމަށެވެ.

ބްރޯޑްކާސްޓިން ކޮމިޝަނުން އިންތިޒާމުކޮށްގެން ބޭއްވި މިފަދަ ކުރެހުމުގެ މުބާރާތް ފަދަ ހަރަކާތްތައް މެދުވެރިކޮށް، ދަރިވަރުންގެ ކެރިއާ ބިނާ ކުރުމުގައި އެހީތެރިވެވިދާނޭ ކަން އެ ކަމަނާ ފާހަގަ ކުރެއްވި އެވެ.

މީގެ އިތުރުން، ގައުމެއްގެ ނިސްބަތުގައި ޓީވީ އާއި ރޭޑިއޯ އަދާ ކުރާ ދައުރު، ފަހުގެ ޖީލު ތަކަށް އެނގުމުގެ މުހިންމުކަން ވެސް އެ ކަމަނާ ފާހަގަ ކުރެއްވި އެވެ.

މިއަދުގެ ރަސްމިއްޔާތުގެ އެންމެ ޝަރަފުވެރި އިނާމުތައް ހަވާލުކޮށްދެއްވީ މެޑަމް ސާޖިދާ އެވެ.

އިނާމުތައް ހަވާލު ކުރެއްވުމަށްފަހު، ހާއްސަ ފޮޓޯއެއް ނެންގެވުންވެސް އޮތެވެ. އަދި އެކަމަނާ ވަނީ، "ވިޝަންސް އޮފް ދަ ފިއުޗާ" ގެ ކުރެހުންތައް ބައްލަވާލައްވާފަ އެވެ.

މެޑަމް ސާޖިދާ