މަޝްއަރު ޓުއާސްގެ ވެރީންނަށް ހިޔާނާތުގެ ދައުވާ ކުރަން ޕީޖީއަށް ފޮނުވައިފި

ހުސައިން އާދަމް ބިލްޑިންގު -- ދި އެޑިޝަން ފޮޓޯ

މިދިޔަ އަހަރުގެ ރޯދަ މަހު އުމްރާއަށް މީހުން ގެންގޮސް ހާލުގައި ޖެއްސި އަލްމަޝްއަރު ޓުއާސްގެ ވެރީންނަށް އިތުރު ދައުވާއެއް ކުރުމަށް ޕްރޮސިކިއުޓާ ޖެނެރަލްގެ އޮފީހަށް ފޮނުވައިވާ ކަމަށް ފުލުހުން ބުނެފި އެވެ.

ފުލުހުން ބުނީ މިދިޔަ އަހަރު އުމުރާ އަށް މީހުން ގެންދާނެ ކަމަށް ބުނެ އަލްމަޝްއަރް ޕްރައިވެޓް ލިމިޓެޑުން 27 މީހުންގެ އަތުން 500000 ރުފިޔާ އަށް ވުރެ ގިނަ ފައިސާ ނަގައި މަކަރާއި ހީލަތް ހަދައި ފައިސާ އަށް ހިޔާނާތްތެރިވެފައިވާ މައްސަލައެއްގައި ދައުވާކުރުމަށް މި ޖެނުއަރީ މަހުގެ 19 ވަނަ ދުވަހު ޕްރޮސެކިއުޓާ ޖެނަރަލް އޮފީހަށް ފޮނުވާފައިވާ ކަމަށެވެ.

މި މައްސަލައިގައި ދައުވާ ކުރަނީ މަސްއަރު ޕްރައިވެޓް ލިމިޓެޑްގެ ކުންފުނީގެ ވެރިޔާ ކ.މާލެ / މ. ހަވީރީފިނި އަލީ ފާރިޝް ގެ މައްޗަށާއި އަލްމަޝްއަރު ޕްރައިވެޓް ލިމިޓެޑާއި ޓްރިއާ ޕްރައިވެޓް ލިމިޓެޑާއި ހާފްޓޯން މޯލްޑިވްސް ޕްރައިވެޓް ލިމިޓެޑް މައްޗަށް ކަމަށް ފުލުހުން ބުނެ އެވެ.

ދިވެހީން އުމްރާއަށް ފޮނުވަން ކަމަށް ބުނެ މަޝްއަރު ޓުއާސްއިން ފޮނުވި ޗެކްތަކެއް ބައުންސްވި މައްސަލައެއްގައި ވެސް ދައުވާ ކުރަން ޕީޖީ އޮފީހަށް ވަނީ ފޮނުވާފަ އެވެ.

މަޝްއަރު ޓުއާސްގެ މައްސަލަ ފުލުހަށް ހުށަހެޅީ އިސްލާމިކް މިނިސްޓްރީގެ ފަރާތުންނެވެ.

ފުލުހުން