އިމިގްރޭޝަން އޮފިސަރުން ސައުދީގައި ތަމްރީނު ހޯދަން މަޝްވަރާ ކޮށްފި

އިމިގްރޭޝަން އޮފިސަރުން ސައުދީން ތަމްރީން ހޯދަން ވަނީ މަޝްވަރާކޮށްފައި -- ފޮޓޯ/ އިމިގްރޭޝަން

ކޮންޓްރޯލާ ޖެނެރަލް އޮފް އިމިގްރޭޝަން، ޝަމްއާން ވަހީދު ރިޔާދަށް ވަޑައިގެން ސައުދީ އަރަބިއްޔާގެ ޖެނެރަލް ޑިރެކްޓަރޭޓް އޮފް ޕާސްޕޯޓް، މޭޖާ ޖެނެރަލް ޑރ. ސާލިހު އަލްމިރްބާއާއި ބައްދަލު ކުރައްވައިފި އެވެ.

ޝަމްއާން ވަހީދު ސައުދީ އަރަބިއްޔާއަށް ވަޑައިގެންނެވީ ޖެނެރަލް ޑިރެކްޓަރޭޓް އޮފް ޕާސްޕޯޓްގެ ދައުވަތަކަށެވެ.

ވިސާ ދޫކުރުމާއި ބޯޑަރު މެނޭޖްމަންޓާއި ހުނަރު ތަރައްގީ ކުރުމުގެ އިތުރުން އިމިގްރޭޝަންގެ ޕްރޮސެސްއާ ބެހޭ އަގުހުރި މައުލޫމާތު ތަކެއް މި ދަތުރުން ލިބިވަޑައިގެންނެވި ކަމަށް ޝައްމާން ކުރެއްވި އެކްސް ޕޯސްޓެއްގައި ވިދާޅުވި އެވެ.

ދިވެހި އިމިގްރޭޝަން އޮފިސަރުންނަށް ތަމްރީނު ހޯދުމުގެ ފުރުސަތުތައް ހޯދުމާ ގުޅޭ ގޮތުންނާއި، މައުލޫމާތު ބަދަލު ކުރުމާއި، ޖާސޫސީ މައުލޫމާތު ހިއްސާ ކުރުމުގެ މައްޗަށް ބިނާކޮށް މި ދަތުރުގައި މަޝްވަރާ ކުރެއްވި ކަމަށް ވެސް އޭނާ ވިދާޅުވި އެވެ.

އިމިގްރޭޝަން ސައުދީ އަރަބިޔާ