އިއާދަކުރަނިވި ހަކަތައިގެ ކެޕޭސިޓީ 17 މެގަވޮޓްސް އިތުރުކޮށްފި

ފަނަރަ ވަނަ އިންޓަނޭޝަނަލް ރިނިއުބަލް އެނާޖީ އޭޖެންސީ (އައިރީނާ)ގެ ސެޝަންގެ ތެރެއިން --

ރާއްޖެއިން އިއާދަކުރަނިވި ހަކަތަ ބޭނުންކުރާ މިންވަރު އަހަރު ދުވަސް ތެރޭގައި 17 މެގަވޮޓްސް އިތުރުކޮށްފައިވާ ކަމަށް އެންވަރަމެންޓް މިނިސްޓަރު, ތޯރިގް އިބްރާހިމް ވިދާޅުވެއްޖެ އެވެ.

މިހާރު އަބޫދާބީގައި ކުރިއަށްދާ ފަނަރަ ވަނަ އިންޓަނޭޝަނަލް ރިނިއުބަލް އެނާޖީ އޭޖެންސީ (އައިރީނާ)ގެ ސެޝަންގައި ވާހަކަދައްކަވަމުން ތޯރިގް ވިދާޅުވީ ކޮޕް 28 ގައި ރައީސް ޑރ. މުޙައްމަދު މުއިއްޒު ވެވަޑައިގެންނެވި ވައުދު ފުއްދުމަށް ގިނަ މަސައްކަތް ތަކެއް ކުރަމުން އަންނަ ކަމަށެވެ.

ރާއްޖޭގައި ބޭނުން ކުރާ ހަކަތައިގެ 33 ޕަސެންޓަކީ އިއާދަކުރަނިވި ހަކަތައަށް ހައްދަވާނެ ކަމަށް ކޮޕް 28 ގައި ރައީސް ވިދާޅުވެފައިވެ އެވެ.

އެގޮތުން އެއް އަހަރު ދުވަހުގެ ތެރޭގައި 53 މެގަވޮޓުން 70 މެގަވޮޓަށް އިއާދަކުރަނިވި ހަކަތައިގެ ކެޕޭސިޓީ އިތުރުކޮށްފައިވާކަން މިނިސްޓަރު ތޯރިގު ފާހަގަ ކުރެއްވި އެވެ.

މި ދަތުރުގައި މިނިސްޓަރު ތޯރިގު އާއެކު އަބޫދާބީއަށް ކަނޑައަޅާފައި ހުންނަ ސަފީރު، އަދި ކްލައިމެޓް ޗޭންޖް މިނިސްޓްރީގެ ޑިރެކްޓަރު ޖެނެރަލް ބައިވެރިވެވަޑައިގެންނެވި އެވެ.

މިނިސްޓަރ ތޯރިގު