ކަސްޓަމްސް ބްރޯކަރުންގެ ގޮތުގައި ތަމްރީނުވުމުގެ ފުރުސަތު ހުޅުވާލައިފި

އިމްޕޯޓް އެކްސްޕޯޓް މުދާ ކުލިއަ ކުރުމުގެ ކަންކަމުގައި ކަސްޓަމްސްއާ މުއާމަލާތް ކުރާ ފަރާތް ތަކަކީ އެކަމުގެ ތަމްރީން ލިބިފައިވާ ފަރާތް ތަކެއް ކަމަށް ހެދުމަށް ޓަކައި "ކަސްޓަމްސް ބްރޯކާ ޓްރެއިނިންގް"ގެ ނަމުގައި ތަމްރީނު ޕްރޮގްރާމެއް ފަށައިފި އެވެ.

ކަސްޓަމްސުން މިއަދު ނެރުނު ބަޔާނެއްގައި ބުނީ ހަ މަސް ދުވަހުގެ މުއްދަތަށް ހިންގާ އެ ޕްރޮގްރާމްގެ މަގުސަދަކީ މުދާ ކުލިއާ ކުރުމުގެ ކަންކަމުގައި އެ އޮފީހާއެކު މުއާމަލާތް ކުރާ ފަރާތް ތަކަކީ ކަނޑަ އެޅިފައިވާ އުސޫލު ތަކުގެ ދަށުން ހާއްސަ ތަމްރީނު ތަކެއް ލިބިގެން ހަރަކާތްތެރިވާ ޕްރޮފެޝަނަލް ފަރާތް ތަކަކަށް ހެދުން ކަމަށެވެ.

މި ތަމްރީން ޕްރޮގްރާމް ކުރިއަށް ގެންދަނީ ހަތަރު މޮޑިއުލްއަކަށް ބަހާލައިގެންނެވެ.

އޭގެ ތެރޭގައި ހިމެނެނީ "ބްރޯކާސް ރެގިއުލޭޝްން އެންޑް ކަސްޓަމްސް ޕްރޮސީޖާސް"، އާއި "ވެލިއުއޭޝަން ޕްރޮސެސް" އާއި، "ޑޮކިއުމެންޓޭޝަން ޕްރޮސެސް"ގެ އިތުރުން "ހާމޮނައިޒްޑް ސިސްޓަމް" އެވެ.

ކޯހަށް މީހުން ހޮވުމުގައި އިމްޕޯޓް އެކްސްޕޯޓް އަދި ކަސްޓަމްސް ކްލިއަރެންސް މަސައްކަތްތަކުގައި އަމަލީ ގޮތުން ހަރާކާތްތެރިވާ ފަރާތްތަކަށް އިސްކަން ދޭނެ އެވެ.

މަހު ފީއަކަށް 6،000 ރުފިޔާ ލިބޭ މިކޯހަށް ކުރިމަތިލާ ފަރާތްތަކުގެ ކުށުގެ ރިކޯޑަށް ރިއާޔަތްކޮށް އެ ފަރާތެއް ކޯހުގައި ބައިވެރި ނުކުރުމުގެ އަދި ކޯހުން ވަކި ކުރުމުގެ އިޚުތިޔާރު ކަސްޓަމްސްއަށް ލިބިގެންވެ އެވެ.

ބްރޯކަރުން ތަމްރީން ކުރާ މި ކޯހުގައި ބައިވެރިވާން ބޭނުންވާ ފަރާތްތަކުން ފެބުރުއަރީ މަހުގެ ދެ ވަނަ ދުވަހު މެންދުރު ފަހު 2:00ގެ ކުރިން ކަސްޓަމްސް އެކަޑަމީގެ މެއިލް application.academy@customs.gov.mvއަށް  ފޯމް ހުށަހަޅަން ޖެހޭނެ އެވެ.