ވިނީޝިއުސް އިތުރު ދެ މެޗަށް ސަސްޕެންޑް ކޮށްފި

ވިނީޝިއުސް ޖޫނިއަރ

ރެއާލް މެޑްރިޑްގެ ތަރި ވިނީޝިއުސް ޖޫނިއަރ އިތުރު ދެ މެޗަށް ސަސްޕެންޑްކުރަން ސްޕެނިޝް ލީގުގެ ޑިސިޕްލިނަރީ ބޯޑުން ނިންމައިފިއެވެ.

މި ނިންމުން ނިންމާފައި މިވަނީ ވެލެންސިއާއާ ދެކޮޅަށް ކުޅުނު މެޗުގައި އޭނާއަށް ދެއްކުނު ރަތްކާޑާއި ގުޅިގެންނެވެ.

ވިނީޝިއުސްއަށް ރަތް ކާޑު ދެއްކީ ވެލެންސިއާގެ ކީޕަރު ސްޓޯލް ޑިމްޓްރިއޭވްސްކީގެ ކަރުގައި ހިފުމުންނެވެ. މި ހާދިސާ ހިނގީ މެޗުގެ 79 ވަނަ މިނިޓްގައެވެ. ވީޑިއޯ އެސިސްޓަންޓް ރެފްރީ (ވީއޭއާރް) އިން މި ނިންމުން ޔަގީންކޮށްދިނެވެ.

ޑިސިޕްލިނަރީ ބޯޑުން ވިނީޝިއުސްއަށް ދެ މެޗުގެ ސަސްޕެންޝަނެއް ދިނުމުގެ އިތުރުން، އޭނާ އާއި ރެއާލް މެޑްރިޑް ވަނީ ޖޫރިމަނާކޮށްފައެވެ. މި ސަސްޕެންޝަންގެ ސަބަބުން ވިނީޝިއުސްއަށް ގެއްލޭނީ ލަސް ޕަލްމާސް އަދި ރެއާލް ވަލޮޑޮލިޑާ ދެކޮޅަށް ކުޅޭ ލީގުގެ ދެ މެޗެވެ.

ރެއާލް މެޑްރިޑްގެ ދެން އޮތް މެޗަކީ ސްޕެނިޝް ސުޕަ ކަޕްގެ ސެމީ ފައިނަލްގައި މަޔޯކާއާ ދެކޮޅަށް ބުރާސްފަތި ދުވަހުގެ ރޭ ކުޅޭ މެޗެވެ. މި މެޗު ކުޅޭނީ ސައުދީ އަރަބިއްޔާގެ ރިޔާދުގައެވެ. ވިނީޝިއުސްގެ ސަސްޕެންޝަން ލީގުގެ މެޗުތަކަށް އެކަނި އަސަރުކުރާނެތީ، އޭނާއަށް މި މެޗުގައި ކުޅެވޭނެއެވެ.

ފާހަގަކޮށްލެވޭ ކަމަކީ ވިނީޝިއުސްއަކީ ދާދި ފަހުން ފީފާ ބެސްޓް އެވޯޑްސްގައި އެންމެ މޮޅު ކުޅުންތެރިޔާގެ މަގާމު ހޯދި ކުޅުންތެރިޔާ ކަމެވެ. މި ސަސްޕެންޝަނަކީ އޭނާގެ ކެރިއަރުގައި ލިބުނު ފުރަތަމަ ދިގު ސަސްޕެންޝަންކަން ފާހަގަކުރެވެއެވެ.

ރިއަލް މެޑްރިޑް