އެޗްޑީސީގެ ޑެޕިއުޓީ އެމްޑީއަކަށް ފަޔާޒް މަންސޫރު

ފަޔާޒް މަންސޫރު

ހައުސިން ޑިވެލޮޕްމަންޓް ކޯޕަރޭޝަން (އެޗްޑީސީ)ގެ ޑެޕިއުޓީ މެނޭޖިން ޑިރެކްޓަރުގެ މަޤާމަށް ފަޔާޒް މަންސޫރު އައްޔަންކޮށްފިއެވެ.

މިކަން އެކުންފުނީގެ ވެބުސައިޓުގައި ހާމަކޮށްފައިވާއިރު ފަޔާޒް ވަނީ މިއަދު އެ ކުންފުނީގެ މުވައްޒަފުންނާ ވެސް ބައްދަލުކުރައްވާފަ އެވެ.

ފަޔާޒް މަންސޫރަކީ މީގެ ކުރިންވެސް އެޗްޑީސީގެ ޑެޕިއުޓީ މެނޭޖިން ޑިރެކްޓަރުގެ މަޤާމު އަދާކުރައްވާފައިވާ ބޭފުޅެކެވެ. އޭނާ ވަނީ މިއަދު އެ ކުންފުނީގެ މުވައްޒަފުންނާ ބައްދަލުކުރައްވާފައެވެ. މީގެ އިތުރުން، ފަޔާޒަކީ ގެޑޯ ކޮންސަލްޓިންގެ ޑިރެކްޓަރެއްގެ މަޤާމުވެސް އަދާކުރައްވާފައިވާ ބޭފުޅެކެވެ.

ފަޔާޒް މަންސޫރުގެ އެ މަގާމަށްއައްޔަން ކުރައްވާފައި މިވަނީ އެޗްޑީސީއާ ގުޅޭ ބައެއް މައްސަލަތައް ފެންމަތިވެފައިވާ ދަނޑިވަޅެއްގައެވެ. އުސޫލުން ބޭރުން ހުޅުމާލެއިން ބިމާއި ފްލެޓު ދޫކުރި ކަމަށް ބުނާ މައްސަލަތަކެއް މިހާރު ދަނީ ތަޙުޤީޤުކުރެވެމުންނެވެ.

މި މައްސަލައާ ގުޅިގެން، އެޗްޑީސީގެ ކުރީގެ މެނޭޖިން ޑިރެކްޓަރު އިބްރާހިމް ފަޒުލް ރަޝީދު މަޤާމުގެ މަސްއޫލިއްޔަތުތަކުން އެކަހެރިކޮށްފައި ހުއްޓައި އިސްތިއުފާ ދެއްވާފައިވެއެވެ. އޭނާގެ ބަދަލުގައި ކުރީގެ ކޮންސްޓްރަކްޝަން މިނިސްޓަރު މުޙައްމަދު މައުރޫފް ޖަމީލް ވަނީ އެމްޑީގެ މަޤާމަށް އައްޔަންކޮށްފައެވެ.

އެޗްޑީސީ