އަންނަ ބުރާސްފަތި ދުވަސް ސަރުކާރު ބަންދު ވިޔަސް ޕާސްޕޯޓުގެ ހިދުމަތް ދޭނެ

ސަރާރު ބަންދުވިޔަސް މާދަމާވެސް ޕާސްޕޯޓުގެ ޚިދުމަތް ލިބޭނެ

މިއަންނަ ބުރާސްފަތި ދުވަހަކީ ރަސްމީ ބަންދު ދުވަހެއްގެ ގޮތުގައި ސަރުކާރުން ކަނޑައަޅާފައިވީ ނަމަވެސް، އިމިގްރޭޝަންގެ މާލެ އޮފީހުން ޕާސްޕޯޓުގެ ޚިދުމަތް ދިނުމަށް ނިންމައިފިއެވެ.

މި ޚިދުމަތް ދޭން ހަމަޖެހިފައިވަނީ ހެނދުނު 8:30 އިން މެންދުރުފަހު 2:00 އަށެވެ.

އިމިގްރޭޝަނުން މަޢުލޫމާތު ދީފައިވާ ގޮތުގައި، އިމުގާ ޕޯޓަލް މެދުވެރިކޮށް 24 ގަޑިއިރު ޕާސްޕޯޓަށް އެދި ހުށަހެޅޭނެއެވެ. އަދި އުމުރުން 65 އަހަރުން މަތީގެ މީހުންނާއި އިމަޖެންސީ ހާލަތްތަކުގައި ޕާސްޕޯޓުގެ ޚިދުމަތް ހޯދުމަށް އިމިގްރޭޝަނަށް ހާޒިރުވެވޭނެއެވެ.

ޕާސްޕޯޓް ދޫކުރުމަށް ނަންބަރު ދޫކުރާނީ ހެނދުނު 8:30 އިން މެންދުރުފަހު 2:00 އަށެވެ. މި ވަގުތުތަކުގައި ކިއުބީ އެޕްލިކޭޝަން މެދުވެރިކޮށް ނުވަތަ އިމިގްރޭޝަނަށް ހާޒިރުވެގެން ނަންބަރު ނެގޭނެއެވެ.

މެޑިކަލް އިމަޖެންސީގެ ހާލަތްތަކުގައި 9555333 އަށް ގުޅުމުން ޕާސްޕޯޓް ހެދުމަށް ބޭނުންވާ އިންތިޒާމްތައް ހަމަޖައްސައިދޭނެ ކަމަށްވެސް އިމިގްރޭޝަނުން ބުނެފައިވެއެވެ.

ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު މި ބުރާސްފަތި ދުވަސް ބަންދު ދުވަހެއްގެ ގޮތުގައި ކަނޑައެޅުއްވީ، އާ އަހަރުގެ ފުރަތަމަ ދުވަހާއި ހަފުތާ ބަންދާ ދެމެދަށް ރަސްމީ ދުވަހެއް އައުމުން ވަޒީފާ އަދާކުރާ ފަރާތްތަކަށް ދަތިތަކެއް ކުރިމަތިވެދާނެތީއެވެ.

މޯލްޑިވްސް އިމިގްރޭޝަން އިމިގްރޭޝަން