މޯލްޑިވިއަންގެ ފުރަތަމަ ވައިޑް-ބޮޑީ މަތިންދާބޯޓު ދައްކާލުމަށް އެއަރ ޝޯވއެއް ބާއްވަނީ

ވައިޑް-ބޮޑީ މަތިންދާ ބޯޓުގެ ޚިދުމަތް ފެށުމަކީ މި ސަރުކާރުގެ މުހިއްމު އެއްވައުދު

ގައުމީ އެއަރލައިން، މޯލްޑިވިއަންއަށް ގެންނަ ފުރަތަމަ ވައިޑް-ބޮޑީ މަތިންދާބޯޓު ދައްކާލުމަށް އެއަރ ޝޯވއެއް ބާއްވަން ހަމަޖައްސައިފިއެވެ. މި އެއަރ ޝޯވ އޮންނާނީ ޖެނުއަރީ 6 ވަނަ ދުވަހު މާލޭގެ އުސްފަސްގަނޑު ސަރަޙައްދާއި ހުޅުމާލޭގެ ފުރަތަމަ އަދި ދެވަނަ ފިޔަވަހި ހިމެނޭ ސަރަޙައްދުގައެވެ.

މޯލްޑިވިއަންއަށް ގެންނަ އެއަރބަސް އޭ-330 މަރުކާގެ މި ބޯޓަކީ 264 މީހުންގެ ޖާގައިގެ މަތިންދާބޯޓެކެވެ. މިއީ މިހާތަނަށް ރާއްޖޭގެ ޤައުމީ އެއަރލައިނަށް ގެންނަ އެންމެ ބޮޑު މަތިންދާބޯޓެވެ.

މި ބޯޓުގެ ޚިދުމަތް ފެށުމަށް މޯލްޑިވިއަންއިން އަންނަނީ ފުރިހަމައަށް ތައްޔާރުވަމުންނެވެ. އެންމެ ފުރަތަމަ ޗައިނާގެ ތިން މަންޒިލަކަށް ދަތުރުތައް ފެށުމަށްފަހު ޔޫރަޕަށްވެސް ދަތުރުތައް ފެށުމަކީ މޯލްޑިވިއަންގެ އަމާޒެކެވެ.

މި ބޯޓާއެކު އިތުރު 60،000 ފަސިންޖަރުން ކޮންމެ އަހަރަކު ރާއްޖެ ގެނެވޭނެކަމަށް މޯލްޑިވިއަންއިން ބުނެއެވެ. މި ބޯޓުގައި އިކޮނޮމީ، ބިޒްނަސް އަދި ޕްރިމިއަމް ކްލާސްގެ ޚިދުމަތް ލިބެން ހުންނާނެއެވެ.

މޯލްޑިވިއަންގެ ފްލީޓްގައި މިވަގުތު 20އަށްވުރެ ގިނަ މަތިންދާބޯޓު ދަނީ ބޭނުންކުރަމުންނެވެ. ވައިޑް ބޮޑީ އެއަރކްރާފްޓެއް ގެނައުމަކީ ސަރުކާރުގެ މުހިންމު ވަޢުދެކެވެ.

މޯލްޑިވިއަން މޯލްޑިވިއަން އެއާރލައިންސް