ހަނިމާދޫ އެއާޕޯޓު އަންނަ އަހަރުގެ މެދުތެރޭގައި ހުޅުވާނަން: އާރުއޭސީއެލް

ހަނިމާދޫ އިންޓަނޭޝަނަލް އެއާޕޯޓު ތަރައްގީ ކުރުމުގެ މަޝްރޫއު ކުރިއަށް ދަނީ --

ހަނިމާދޫ އިންޓަރނޭޝަނަލް އެއަރޕޯޓުގެ ތަރައްޤީގެ މަޝްރޫޢު މަސައްކަތުގެ 77 އިންސައްތަ މިހާރު ނިމިފައިވާ ކަމަށާއި، މި މަޝްރޫޢުގެ މަސައްކަތް ނިންމައި، އަންނަ އަހަރުގެ މެދުތެރޭގައި އެއާޕޯޓު ހުޅުވޭނެ ކަމަށް ރީޖަނަލް އެއާޕޯޓްސް ކޮމްޕެނީ (އާރުއޭސީއެލް) އިން ހާމަކޮށްފިއެވެ.

ރީޖަނަލް އެއަރޕޯޓްސް ކުންފުނީގެ މެނޭޖިން ޑިރެކްޓަރ އަޙުމަދު މުބީން ވިދާޅުވި ގޮތުގައި، މިވަގުތު ކުރިއަށްދަނީ ފަސިންޖަރ ޓާމިނަލްގެ މަސައްކަތެވެ. އަދި ކާގޯ ޓާމިނަލްގެ 90 އިންސައްތަ އާއި އެއަރޕޯޓް ޓަވަރުގެ 88 އިންސައްތަ މަސައްކަތް ނިމިފައިވާ ކަމަށް އޭނާ ވިދާޅުވިއެވެ.

މި މަޝްރޫޢުގެ ދަށުން ތަރައްޤީކުރާ އެއަރޕޯޓަކީ އަހަރަކު 1.3 މިލިއަން ފަތުރުވެރިންނަށް ޚިދުމަތް ދެވޭ ފެންވަރުގެ އެއަރޕޯޓެކެވެ. މީގެ އިތުރުން، ގްރައުންޑް ހޭންޑްލިންގއަށް ބޭނުންވާ ސާމާނުތައް ގެނެސް، އައު ވެހިކަލްތައް ބޭނުންކުރުމަށް ވަނީ ރޭވިފައެވެ.

ހަނިމާދޫ އިންޓަރނޭޝަނަލް އެއަރޕޯޓް ތަރައްޤީކުރުމުގެ ޢަމަލީ މަސައްކަތް ފެށީ 2023 ވަނަ އަހަރުގެ ޖެނުއަރީ މަހުއެވެ. މި މަޝްރޫޢުގެ ދަށުން ތަރައްޤީކުރި 2465 މީޓަރުގެ ދިގު ރަންވޭގެ މަސައްކަތް މިހާރު ވަނީ ނިމިފައެވެ. މި މަޝްރޫޢު ކުރިއަށް ގެންދަނީ އިންޑިއާގެ ޖޭއެމްސީ ޕްރޮޖެކްޓްސްއާ ހަވާލުކޮށްގެންނެވެ.

އެއާރޕޯޓް