ސަސްޕެންޝަންގައި ހުރި ފަޒީލްގެ ފޯނު ފުލުހުން ހިފަހައްޓައިފި

އެމްޑަބްލިއުއެސްސީގެ ޑެޕިއުޓީ މެނޭޖިން ޑިރެކްޓަރު މުހައްމަދު ފަޒީލް--

ބިންވެރިޔާ ސްކީމުން ގޯތި ނުލިބޭ ބަޔަކަށް ހައުސިން ޑިވެލޮޕްމަންޓް ކޯޕަރޭޝަން (އެޗްޑީސީ) އިން ގޯތިި ތަކެއް ދިން މައްސަލައިގެ ތަހުގީގަށް ސަސްޕެންޑްކޮށްފައި ހުރި އެމްޑަބްލިއުއެސްސީގެ ޑެޕިޔުޓީ މެނޭޖިން ޑިރެކްޓަރު މުޙައްމަދު ފަޒީލް ރަޝީދުގެ ފޯނު ކޯޓު އަމުރެއްގެ ދަށުން ފުލުހުން މިއަދު ހިފަަހައްޓައިފި އެވެ.

ފަޒީލް ސަސްޕެންޑްކޮށްފައި ވަނީ މާލޭ ރަށްވެހިންނަށް ގޯތި ދޭން ކުރީ ސަރުކާރުން ހިންގި ބިންވެރިޔާ ސްކީމުން ލިބޭ ގޯއްޗަށް ޝަރުތު ހަމަނުވެ، ހުޅުމާލެއިން ގޯތި ލިބުނު މައްސަލަ ފެންމަތިވުމުންނެވެ.

ފުލުހުން ބުނީ، ކޯޓު އަމުރެއްގެ ދަށުން ފަޒީލްގެ ފޯނު ހިފެހެއްޓީ އެ އިދާރާއިން ތަހުގީގު ކުރަމުން އަންނަ ބިންވެރިޔާ ސްކީމާ ގުޅުން ހުރި މައްސަލަ އާ ގުޅިގެން ކަމަށާއި އަދި ހަމަ މި މައްސަލައިގައި އިތުރު ބައެއްގެ ފޯނު ވެސް ހިފަހައްޓާފައި ވާނެ ކަމަށެވެ.

މި މައްސަލަ އާ ގުޅިގެން ފަޒީލްގެ ބޭބެ އަދި އެޗްޑީސީގެ ކުރީގެ މެނޭޖިން ޑިރެކްޓަރު އިބްރާހިމް ފަޒުލް ރަޝީދު ސަސްޕެންޑްކޮށް އަދި ބޯޑުން ވެސް، އޭނާ ވަނީ ވަކިކޮށްފަ އެވެ.

ޕްރޮސެކިއުޓާ ޖެނެރަލް އައްބާސް ޝަރީފް ވަނީ ބިންވެރިޔާ އަދި ގެދޮރުވެރިޔާ ސްކީމާ ގުޅޭ ޖިނާއީ ތަހުގީގެއް ހިންގުމަށް ފުލުހުންނަށާއި އެންޓިކޮރަޕްޝަން ކޮމިޝަން (އޭސީސީ) އަށް އަމުރު ކުރައްވާފަ އެވެ.

އެޗްޑީސީ