ތުރުކީގެ ހަތިޔާރު ކާރުހާނާއެއްގައި އެއްޗެއް ގޮވައި ބަޔަކު މަރުވުމުން ރައީސް ތައުޒިޔާ ފޮނުއްވައިފި

ރައީސް ޑރ. މުޙައްމަދު މުއިއްޒު -- ފޮޓޯ/ ރައީސް އޮފީސް

ތުރުކީގެ ބަލިކެސިރް ޕްރޮވިންސްގެ ހަތިޔާރު ކާރުހާނާއެއްގައި އެއްޗެއް ގޮވައި ބަޔަކު މަރުވުމުން ރައީސް ޑރ. މުޙައްމަދު މުއިއްޒު ތުރުކީގެ

ރައީސް ރަޖަބް ޠައްޔިބު އުރްދުޣާނަށް ތައުޒިޔާ ފޮނުއްވައިފި އެވެ.

ތުރުކީގެ ރައީސަށް ފޮނުއްވި މެސެޖެއްގައި ރައީސް ވަނީ، އެ ހާދިސާގެ ހަބަރު އެއްސެވީ ފުން ހިތާމައާއެކުކަމަށް ވިދާޅުވެފަ އެވެ.

މި ހާދިސާގައި 12 މީހެއްގެ ފުރާނަ ގެއްލިފައިވާއިރު، އެތައް ބަޔަކަށް ވަނީ އަނިޔާވެފަ އެވެ.

ރައީސްގެ މެސެޖުގައި، ނުރައްކާތެރި މި ހާދިސާގައި ފުރާނަ ގެއްލުނު މީހުންގެ އާއިލާ ތަކަށާއި އެމީހުންގެ ގާތްތިމާގެ މީހުންގެ އިތުރުން، ތުރުކީ ސަރުކާރާއި ރައްޔިތުންނަށް ތައުޒިޔާ ވިދާޅުވެ، އަނިޔާވި މީހުންނަށް އަވަސް ޝިފާއެއް ދެއްވުން އެދި ދުއާކުރައްވާފައިވެ އެވެ.

ރައީސްގެ މި މެސެޖު ނިންމަވާލައްވާފައިވަނީ، ދިވެހި ރައްޔިތުން ތިބީ ތުރުކީގެ އަހުންނާއި އުހުތުންނާ އެކުގައި ކަމުގެ ޔަގީންކަން ދެއްވަމުންނެވެ.

ރައީސް ޑރ މުޙައްމަދު މުޢިއްޒު