ފެނަކައިގެ މެނޭޖިން ޑިރެކްޓަރަކަށް މުޙައްމަދު ނަޖާހު އައްޔަން ކޮށްފި

ފެނަކައިގެ އައު އެމްޑީ ނަޖާހު --

ފެނަކަ ކޯޕަރޭޝަންގެ މެނޭޖިން ޑިރެކްޓަރުގެ މަގާމުގެ މަގާމު މޭޖާ (ރިޓަޔާޑް) މުޙައްމަދު ނަޖާހް ހަމަޖައްސައިފި އެވެ.

ޕްރައިވެޓައިޒޭޝަން އެންޑް ކޯޕަރޭޝަން ބޯޑް (ޕީސީބީ) އިން ބުނީ ފެނަކައިގެޑިރެކްޓަރުންގެ ބޯޑުގެ މެންބަރު ކަމަށާއި އެމްޑީ ކަމުގެ މަގާމަށް ހ. ޔެލޯރޯޒް 2، މޭޖާ ރިޓަޔާޑް މުޙައްމަދު ނަޖާހް މިއަދު އައްޔަންކޮށްފައިވާ ކަމަށެވެ.

ސިފައިގޭގައި 21 އަހަރު ހިދުމަތް ކުރައްވައިފައި ނަޖާހު އެ މަގާމަށް ހަމަޖައްސާފައި މިވަނީ އެ މަގާމުގައި ހުންނެވި މުއާޒް މުޙައްމަދު ރަޝީދު މިއަދު އިސްތިއުފާ ދެއްވުމުންނެވެ.

ފެނަކައިގެ އެމްޑީގެ މަގާމުން އިސްތިއުފާ ދެއްވި ސަބަބު ހާމަކުރައްވައި މުއާޒު ރައީސް ޑރ. މުހައްމަދު މުއިއްޒަށް ފޮނުއްވީ ސިޓީ މިއަދު ވަނީ އާންމު ކުރައްވާފަ އެވެ.

އިސްތިއުފާ ދެއްވި މައިގަނޑު ސަބަބުގެ ގޮތުގައި މުއާޒު ވިދާޅުވެފައިވަނީ ފެނަކައިގެ ދަރަނި ހުރި މިންވަރަށް ބަލާއިރު، އޭނާ ހުންނަވައިގެން އިތުރަށް ކަންކަން ރަނގަޅު ކުރެވޭނެ އަލި މަގެއް ފެންނަން ނެތުމުންނެވެ.

މުއާޒު ވިދާޅުވީ ކުންފުނިތައް ހިންގަންވާނީ އެ ކުންފުންޏަކަށް ލިބޭ އާމްދަނީން ކަމަށްވީއިރު، ފެނަކައަށް މިހާރު ދިމާވެފައިވާ މާލީ ހާލަތުގެ ސަބަބުން އެއީ ކުރެވޭނެ ވަރުގެ ކަމެއް ނޫން ކަމަށެވެ.

ކުންފުންޏަށް ދިމާވެފައިވާ މާލީ ހާލަތުން އަރައިގަނެވޭނެ ގޮތުގެ ޕްލޭނެއް ތައްޔާރުކޮށް ކަމާބެހޭ ފަރާތްތަކަށް ހިއްސާކުރިކަން ފާހަގަ ކުރައްވަމުން މުއާޒު ވިދާޅުވެފައިވަނީ އެކަމަށް ވެސް އަލިމަގެއް ފެނިފައިނުވާ ކަމަށެވެ.

ފެނަކަ