އަކުރަމް ހިމެނޭހެން އިތުރު ބައެއްގެ ޕާސްޕޯޓު ހިފަހައްޓައިފި

ޕާސްޕޯޓު ހިފެހެއްޓީ، ހައުސިން މިނިސްޓްރީގެ ކުރީގެ ސީނިއާ އެގްޒެކެޓިވް ޑިރެެކްޓަރު މުހައްމަދު އާރިފް (ކ) އަދި އެ މިނިސްޓްރީގެ ކުރީގެ ސްޓޭޓް މިނިސްޓަރު އަކްރަމް ކަމާލުއްދީން (ވ) ފޮޓޯ/ ރައީސް އޮފީސް

ހައުސިން މިނިސްޓްރީގެ ކުރީގެ ސްޓޭޓް މިނިސްޓަރު އަކްރަމް ކަމާލުއްދީން ހިމެނޭހެން އެ މިނިސްޓްރީގައި މަސައްކަތް ކުރި ހަތަރު މީހެއްގެ ޕާސްޕޯޓް ހިފަހައްޓައިފި އެވެ.

އޭސީސީން ބުނީ މި ހަތަރު މީހުންގެ ޕާސްޕޯޓު ހިފަހައްޓާފައި ވަނީ ބިންވެރިޔާ ސްކީމްގައި ނުހިމެނޭ ބަޔަކަށް ގޯތިތަކެއް ދީފައިވާ މައްސަލައާ ގުޅުވައިގެން ކަމަށެވެ.

ރާއްޖޭން ބޭރަށް ފުރުން މަނާކޮށް ޕާސްޕޯޓު ހިފެހެއްޓި ބޭފުޅުންނަކީ ކުރީގެ ސްޓޭޓް މިނިސްޓަރު އަކްރަމް ކަމާލުއްދީންގެ އިތުރުން ކުރީގެ ސީނިއާ އެގްޒެކެޓިވް މުޙައްމަދު އާރިފް، ކުރީގެ ސީނިއާ އެގްޒެކެޓިވް ޑިރެކްޓަރު ލިރުޣާމް ވަހީދު، އަދި ކުރީގެ ޑިރެކްޓަރު ޖެނެރަލް އަހްމަދު ވިޝާން ނަސީމެވެ.

ހަމަ މި މައްސަލައިގައި މިއަދު ވަނީ އެޗްޑީސީގެ މެނޭޖިން ޑިރެކްޓަރު އިބްރާހިމް ފަޒުލް ރަޝީދާއި އޭނާގެ ބޭބެ، އެމްޑަބްލިއުއެސްސީގެ ޑެޕިއުޓީ މެނޭޖިން ޑިރެކްޓަރު ފަޒީލް ރަޝީދު ވެސް ހިމެނޭހެން 20 މީހެއްގެ ޕާސްޕޯޓު ހިފަހައްޓަން ކޯޓުން އަމުރު ނެރެފަ އެވެ.

މައުލޫމާތު ލިބިފައިވާ ގޮތުގައި މި މައްސަލައިގައި ރާއްޖޭން ބޭރަށް ފުރުން މަނާކޮށް ޕާސްޕޯޓް ހިފެހެއްޓި މީހުން ތެރޭގައި ގިނައިން ހިމެނެނީ އެޗްޑީސީ އަދި ހައުސިން މިނިސްޓްރީގެ އިސް ފަރާތްތަކެވެ.

ހައުސިންގ މިނިސްޓްރީ