ގަވާއިދާ ޚިލާފަށް 12 އަހަރު ވަންދެން ރާއްޖޭގައި އުޅުނު ފްރާންސްގެ އާއިލާ ފޮނުވާލަނީ
އިމިގްރޭޝަން ކޮންޓްރޯލަރު މުހައްމަދު ޝަމްއާން ވަހީދު
ގާތްގަނޑަކަށް 12 އަހަރު ވަންދެން ގަވާއިދާ ހިލާފަށް ރާއްޖޭގައި އުޅެމުންދާ ފްރާންސްގެ އާއިލާ ފުރުވާލުމުގެ މަސައްކަތް ކުރަމުންދާ ކަމަށް އިމިގްރޭޝަނުން މިރޭ ބުނެފި އެވެ.
އިމިގްރޭޝަން ކޮންޓްރޯލަރު މުހައްމަދު ޝަމްއާން ވަހީދު 'އެކްސް'ގައި ކުރެއްވި ޕޯސްޓެއްގައި ވިދާޅުވީ އެ އާއިލާގެ މައުލޫމާތު މިދިޔަ ޖުލައި މަހު 'އިމިގްރޭޝަން ވޮޗު'އަށް ލިބިފައިވާ ކަމަށެވެ.
ޝަމްއާން ވިދާޅުވީ މިހާރު ކުރަމުންދަނީ އެ އާއިލާ ފުރުވާލުމަށް ބޭނުންވާ ޓްރެވެލް ޑޮކިއުމެންޓުތައް ފޮރިން މިނިސްޓްރީއާ ގުޅިގެން ހޯދުމުގެ މަސައްކަތް ކަމަށެވެ. އޭނާ ވިދާޅުވީ މިއީ ހަ މެންބަރުންގެ އާއިލާއެއް ކަމަށާއި އެ މީހުންގެ ޕާސްޕޯޓުގެ މުއްދަތު ވަނީ ހަމަވެފައި ކަމަށެވެ.
އެ މައްސަލަ ބެލުމަށް ފަހު، މައްސަލައިގައި ހިމެނޭ އިސްފަރާތްތައް މިދިޔަ 23 އޮކްޓޫބަރުގައި ވަނީ އިމިގްރޭޝަނަށް ހާޒިރުކޮށްފައި ކަމަށް ޝަމްއާން ވިދާޅުވި އެވެ. އަދި ޓެރެވެލް ޑޮކިއުމަންޓް ލިބުނުހާ އަވަހަކަށް އެ މީހުން ރާއްޖޭން ފުރުވާލާނެ ކަމަށް ވެސް އޭނާ ވިދާޅުވި އެވެ.
"އިމިގްރޭޝަން ގާނޫނާ ހިލާފަށް ދިވެހިރާއްޖޭގައި އުޅުމަށް އެއްވެސް ފަރާތަކަށް ފުރުސަތެއް ނުދެވޭނެ،" ޝަމްއާންގެ ޕޯސްޓް ނިންމާލަމުން ވިދާޅުވެފައިވެ އެވެ.
ކޮމެންޓް