އެންޓޮނީ ބްލިންކަންއާ ދެކޮޅަށް ކޮންގްރެސްގައި އަޑު އުފުލައިފި

އެމެރިކާގެ ޚާރިޖީ ވަޒީރު، ލާއިންސާނީ އަމަލުތަކަށް ހިއްވަރުދެއްވާ

އެމެރިކާގެ ޚާރިޖީ ވަޒީރު އެންޓަނީ ބްލިންކެންއާ ދެކޮޅަށް އެކްޓިވިސްޓުން ކޮންގްރެސްގައި އަޑުއުފުލައި، އޭނާ ހައްޔަރުކުރުމަށް ގޮވާލައިފިއެވެ.

ހައުސް އޮފް ރެޕްރެޒެންޓެޓިވްސްގެ ޖަލްސާއެއްގައި ބްލިންކެން ބައިވެރިވި ވަގުތު، އިންސާނީ ޙައްޤުތަކާބެހޭ އެކްޓިވިސްޓުން އެތަނަށް ވަދެ، ބްލިންކެންއަކީ "ޣައްޒާގެ ޤާތިލު" ކަމަށް ސިފަކޮށް އަޑުގަދަކުރިއެވެ.

އެކްޓިވިސްޓުން ތިބީ އެމީހުންގެ އަތްތަކުގައި ރަތްކުލަ ހާކައި، ޣައްޒާގައި ހިނގަމުންދާ ގަތުލުއާންމު ސިފަވާގޮތަށެވެ. މި މަންޒަރު ދުށް މީހުން ބުނާގޮތުގައި އެވަގުތު ބްލިންކެން ހުރީ ވަރަށް ދެރަވެފައެވެ.

އެމެރިކާގެ އިތުރުން ޔޫރަޕުގެ ޤައުމުތަކުގައިވެސް އިންސާނީ ޙައްޤުތަކަށް މަސައްކަތްކުރާ ފަރާތްތަކުން އިސްރާއީލުގެ އިސްވެރިންނާއި އެމެރިކާގެ އިސްވެރިން ސިފަކުރަމުންދަނީ "ޣައްޒާގެ ޤާތިލުން"ގެ ގޮތުގައެވެ.

އިސްރާއީލުން ޣައްޒާގައި ހިންގަމުންދާ ޢަމަލުތަކަކީ އެމެރިކާގެ އެހީގައި ކުރިއަށްގެންދާ ކަންކަން ކަމަށް ބެލެވެއެވެ. މިކަމާ ގުޅިގެން އިސްރާއީލުގެ ވެރިންނާއި އެމެރިކާގެ އިސްވެރިންނާ ދެކޮޅަށް ބައިނަލްއަށް ބައިނަލްއަޤްވާމީ ކޯޓުތަކަށް މައްސަލަތައް ހުށަހަޅާފައިވެއެވެ.

އެމެރިކާއަކީ ކުރިންވެސް އިރާޤު އަދި އަފްޣާނިސްތާނުގައި ގިނަ އަދަދެއްގެ އާންމުން މަރާލާފައިވާ ޤައުމެކެވެ. އަދި ބައިނަލްއަޤްވާމީ ކޯޓުތަކަށް ބިރުދައްކަމުންދާ ޤައުމެއްގެ ގޮތުގައިވެސް އެމެރިކާ ފާހަގަކުރެވެއެވެ.

އެމެރިކާ