ރަސްމީ ދަތުރެއްގައި މިނިސްޓަރު ހަލީލް، އޮމާނަށް ވަޑައިގެންފި
ފޮރިން މިނިސްޓަރު ހަލީލް (ކ) އަދި ހާލާ ހަމީދު (ވ) -- ފޮޓޯ/ ފޮރިން މިނިސްޓްރީ
ރަސްމީ ދަތުރުފުޅެއްގައި ފޮރިން މިނިސްޓަރު ޑރ. އަބްދުﷲ ހަލީލް އޮމާން އަށް ވަޑައިގެންފި އެވެ.
މިއީ އޮމާންގެ ފޮރިން މިނިސްޓަރު ސައްޔިދު ބަދުރު ބިން ހަމަދު ބިން ހަމޫދު އަލްބުސައިދީގެ ދައުވަތަކަށް ހަލީލް ކުރައްވާ ދަތުރުފުޅެއް ކަމަށް ރާއްޖޭގެ ފޮރިން މިނިސްޓްރީން މައުލޫމާތު ދެއެވެ.
ފޮރިން މިނިސްޓްރީ ބުނީ މިިނިސްޓަރު ހަލީލްގެ މި ދަތުރުފުޅުގައި، އޮމާންގެ ފޮރިން މިނިސްޓަރާއި ބައްދަލުކުރައްވައި، ދެ ގައުމުގެ ދެމެދުގައި އޮންނަ ޒަމާންވީ ގުޅުން އިތުރަށް ބަދަހި ކުރެވޭނޭ ގޮތްތަކާ މެދު މަޝްވަރާ ކުރެއްވުމަށް ހަމަޖެހިފައިވާ ކަމަށެވެ.
އޭގެ އިތުރުން އެކި ދާއިރާ ތަކުން ގުޅުން ބަދަހިކުރުމުގެ ފުރުސަތުތައް ހޯދުމަށް އޮމާން ސަރުކާރުގެ އިސްވެރިންނާ މިނިސްޓަރު ބައްދަކުރެއްވުމަށް ހަމަޖެހިފައިވާ ކަމަށް ކަމަށް ވެސް މިނިސްޓްރީން ބުންޏެވެ.
މިނިސްޓަރު ހަލީލާއެކު މި ދަތުރުފުޅުގައި ސީނިއާ އަންޑާ ސެކްރެޓަރީ ފާތިމަތު ނައީމާ އާއި ސެކްރެޓަރީ، ބައިލެޓަރަލް، ޑރ. ހާލާ ހަމީދު، އަދި އެސިސްޓަންޓް ޑިރެކްޓަރު މުޙައްމަދު ޝުޖާއު ބައިވެރިވެވަޑައިގަންނަވަ އެވެ.
ކޮމެންޓް