މެންޗެސްޓަރ ސިޓީއަށް ކްރިސްޓަލް ޕެލަސް އަތުންވެސް މޮޅެއް ނުވެވުނު

ރޭގެ މެޗުގައި ކްރިސްޓަލް ޕެލަސް ވަނީ މޮޅު ކުޅެއް ދައްކާފައި

އިނގިރޭސި ޕްރިމިއަރ ލީގުގައި ރޭ ކްރިސްޓަލް ޕެލަސްއާ ދެކޮޅަށް މެންޗެސްޓާ ސިޓީ ކުޅުނު މެޗު 2-2 ގެ ނަތީޖާއަކުން އެއްވަރު ވެގެން ނިމިއްޖެއެވެ.

ޕެލަސްގެ ދަނޑުގައި ކުޅުނު މި މެޗުގައި ފުރަތަމަ ލަނޑު ޖެހީ ހަތަރުވަނަ މިނިޓުގައި ކްރިސްޓަލް ޕެލަސްގެ ޑެނިއެލް މުނޯޒް އެވެ.

މެންޗެސްޓަރ ސިޓީ އިން މެޗުގެ ނަތީޖާ އެއްވަރުކުރީ 30 ވަނަ މިނިޓުގައި އާލިން ހާލަންޑް ޖެހި ލަނޑުންނެވެ. ނަމަވެސް ދެވަނަ ހާފުގެ 56 ވަނަ މިނިޓުގައި ޕެލަސްގެ މެކްސެންސް ލެކްރޮއިކްސް ވަނީ އަނެއްކާވެސް އެ ޓީމަށް ކުރި ހޯދައިދީފައެވެ.

މެޗުގެ 68 ވަނަ މިނިޓުގައި ރިކޯ ލެވިސް ޖެހި ލަނޑުން މެންޗެސްޓަރ ސިޓީ އިން މެޗުގެ ނަތީޖާ އަނެއްކާވެސް އެއްވަރުކުރިއެވެ. މެޗުގެ ފަހު މިނިޓުތަކުގައި ރިކޯ ލެވިސް އަށް ރަތް ކާޑު ދައްކާ ދަނޑުން ފޮނުވާލިއެވެ.

މި މެޗު އެއްވަރުވުމާއެކު، ލީގުގައި މިހާތަނަށް ކުޅުނު 15 މެޗުން ސިޓީއަށް ލިބިފައިވާ 27 ޕޮއިންޓާއެކު އެ ޓީމު އޮތީ ތާވަލުގެ ހަތަރުވަނައިގައެވެ. އެއްވަނައިގައި އޮތް ލިވަޕޫލް އަށް 14 މެޗުން 35 ޕޮއިންޓް ލިބިފައިވާއިރު ދެ ޓީމުގެ ދެމެދުގައި 8 ޕޮއިންޓުގެ ފަރަގެއް އެބައޮތެވެ.

ތާވަލުގެ އެއްވަނާގައި އޮތް ލިވަޕޫލުން އިއްޔެ ކުޅެން އޮތް މެޗު މޫސުން ގޯސްވުުގެ ސަބަބުން ވަނީ ފަހުގެ ތާރީހަކަށް ބަދަލު ކުރެވިފައެވެ.

އިނގިރޭސި ޕްރިމިއަރ ލީގު މެންޗެސްޓަރ ސިޓީ