އާސެނަލްގެ ކުޅުން ރަނގަޅުކޮށް ޔުނައިޓެޑް ވެސް ބަލިކޮށްފި

އާސެނަލް ގެ ކުޅުން ވަނީ ރަނގަޅުކޮށްފައި

އިގިރޭސި ޕްރެމިއާ ލީގުގައި ރޭ އަމިއްލަ ދަނޑު، އެމިރޭޓްސް ސްޓޭޑިއަމްގައި ކުޅުނު މެޗުގައި އާސެނަލް އިން މެންޗެސްޓާ ޔުނައިޓެޑް 2-0 ގެ ނަތީޖާއަކުން ބަލިކޮށްފައެވެ.

ރޭގެ މެޗުގައި ދެ ޓީމުގެ ފަރާތުން ވާދަވެރި ކުޅުމެއް ފެނިގެންދިޔަ ނަމަވެސް، އާސެނަލް އިން މެޗުގެ ލީޑު ހޯދީ ދެވަނަ ހާފުގެ 54 ވަނަ މިނެޓުގައި ޖޫރިއެން ޓިމްބަރގެ ލަނޑަކުންނެވެ. މި ލަނޑަކީ އާސެނަލްއަށް ލިބުނު ކޯނަރެއްގައި ޑިކްލަން ރައިސް ގޯލު ކުރިމައްޗަށް ހުރަސްކޮށްދިން ބޯޅައެއް ޓިމްބަރ ބޮލުން ގޯލުގެ ތެރެއަށް ފޮނުވާލައިގެން ކާމިޔާބުކޮށްދިން ލަނޑެކެވެ.

އާސެނަލް އިން ލީޑު ފުޅާކުރި ލަނޑު ފަހު ހާފުގެ 73 ވަނަ މިނެޓުގައި ކާމިޔާބުކޮށްދިނީ ޑިފެންޑަރު ވިލިއަމް ސަލިބާއެވެ. މިއީ ތޯމަސް ޕާޓޭ ތަނަވަސްކޮށްދިން ފުރުސަތެއްގައި ސަލިބާ ޖަހާލި ލަނޑެކެވެ.

މި ނަތީޖާއާއެކު ލީގުގައި ކުޅުނު 14 މެޗުން އާސެނަލްއަށް 28 ޕޮއިންޓް ލިބި، ލަނޑުގެ ތަފާތުން އެ އެ ޓީމު މިވަގުތު އޮތީ ލީގު ތާވަލުގެ ތިންވަނައިގައެވެ. އަދި މި މެޗުން ބަލިވި މެންޗެސްޓާ ޔުނައިޓެޑް ލީގުގައި ކުޅުނު 14 މެޗުން ލިބުނު 19 ޕޮއިންޓާއެކު ލަނޑުގެ ތަފާތުން އެ ޓީމު މިވަގުތު އޮތީ ލީގު ތާވަލުގެ 11 ވަނައިގައެވެ.

މިއީ މިފަހަކަސް އައިސް ފޯމުގެއްލިފައި އޮތް އާސެލްއިން އެޓީމުގެގެ ފޯމު ރަނގަޅުވަމުން އަންނަކަން ސާބިތުވެގެން ދިޔަ މެޗެއްކަމަށް ގިނަބަޔަކު ދެކެއެވެ.

އިނގިރޭސި ޕްރިމިއަރ ލީގު އާސެނަލް މެންޗެސްޓަރ ޔުނައިޓެޑް