އެންސްޕާއިން މީޑިއާ ހައުސްއާ އެކު ހެދި އެއްބަސްވުން ބާތިލު ކޮށްފި

ނެޝަނަލް ސޯޝަލް ޕްރޮޓެކްޝަން އެޖެންސީ (އެންސްޕާ) އިން އެމްއެމް ޓީވީ ހިންގާ ކުންފުނި، މޯލްޑިވްސް މީޑިއާ ހައުސްއާ އެކު އޮފީސް އިމާރާތެއް ކުއްޔަށް ހިފުމަށް ހެދި އެއްބަސްވުން ބާޠިލުކުރަން ނިންމައިފިއެވެ.

މި ނިންމުން އިޢުލާންކޮށްފައިވަނީ މިއަދު އެންސްޕާއިން ނެރުނު ނޫސް ބަޔާނަކުންނެވެ.

އެންސްޕާގެ ބަޔާނުގައި ބުނެފައިވާ ގޮތުގައި، މި އެއްބަސްވުން ހެދިކަން ހާމަވުމާ ގުޅިގެން މީޑިއާ ހައުސްއަށް އެކި ފަރާތްތަކުން ކުރި ތުހުމަތުތަކާ ގުޅިގެން އެ ކުންފުނީގެ އަގު ވެއްޓޭތީ، އެއްބަސްވުން ނިމުމަކަށް ގެންނަން ނިންމާފައިވަނީ މާލީ ވުޒާރާއާ މަޝްވަރާކުރުމަށްފަހުގައެވެ.

މީޑިއާ ހައުސްއަކީ އެމްއެމް ޓީވީ ހިންގާ، ފަހުން އުފައްދާފައިވާ ކުންފުންޏެކެވެ. އެމްއެމް ޓީވީއަކީ ރައީސް މުޙައްމަދު މުޢިއްޒާ ގުޅުން އޮންނަ ޓީވީ ޗެނަލެއް ކަމަށް ބެލެވެއެވެ. އަދި މި ޓީވީ ހިންގުމުގައި އިސްކޮށް ހަރަކާތްތެރިވަނީ ރައީސް އޮފީހުގެ ކޮމިއުނިކޭޝަންސް ޑިޕާޓްމަންޓުގެ އިސް ފަރާތްތަކެވެ.

އެންސްޕާގެ ބަޔާނުގައި އިތުރަށް ބުނެފައިވަނީ، މި އެއްބަސްވުން ނިމުމަކަށް ގެނައުމަށްފަހު ފުރިހަމަ ކުރަންޖެހޭ އިޖުރާއަތްތައް ފުރިހަމަކުރުމުގެ މަސައްކަތް މާލީ ވުޒާރާގެ އިރުޝާދުގެ ދަށުން ކުރިއަށް ގެންދާނެ ކަމަށެވެ.