ރާއްޖެއަށް އެތެރެ ކުރަން އުޅުނު ނުވަ ލައްކަ ރުފިޔާގެ ކޮކެއިން އަތުލައިގެންފި

ސކޫރިއާ މެދުވެރިކޮށްރާއްޖެއަށް އެތެރެކުރަން އެޅެނިކޮށް ކަސްޓަމްސުން އަތުލައިގަތް މަސްތުވާތަކެތި -- ފޮޓޯ/ ކަސްޓަމްސް

ކޮރިއާ މެދުވެރިކޮށް ރާއްޖެއަށް އެތެރެކުރަން އުޅުނު ނުވަ ލައްކައަށް ވުރެ ގިނަ ރުފިޔާގެ މަސްތުވާތަކެތި ކަސްޓަމްސުން އަތުލައިގެންފި އެވެ.

ކަސްޓަމްސުން ބުނީ އެ ތަކެތި އަތުލައިގަނެފައި ވަނީ މިދިޔަ ހޯމަ ދުވަހު ކުރިއާ މެދުވެރިކޮށް ރާއްޖެ ގެނެސްފައިވާ ޕެކޭޖެއްގެ ތެރޭގައި ޝައްކު ކުރެވޭ ޒާތުގެ ބާވަތެއް ހުރުމުން އެ ތަކެތި ބަލައި ފާސް ކުރުމުގެ ތެރޭގައި ކަމަށެވެ.

އެގޮތުން ބަލައި ފާސް ކުރެވުނު ޕެކޭޖުގައި ހުރި މަސްތުވާތަކެތި ކަމަށް ޝައްކު ކުރެވޭ ތަކެތި ފުރަތަމަ މަރުހަލާގައި ތަހުލީލު ކުރިއިރު މަސްތުވާތަކެތީގެ ބާވަތެއް ކަމަށްވާ ކޮކެއިން އަށް ޕޮޒިޓިވްވެފައިވާ ކަމަށް ކަސްޓަމްއިން ބުންޏެވެ. އަދި، މި ތަކެތިީގެ ބަރުދަނުގައި ޖުމުލަ 395 ގްރާމް ހުރި ކަމަށެވެ.

ކަސްޓަމްސުން ބުނީ މި ތަކެތީގެ މަގުމަތީ އަގު 987,500.00 (ނުވަލައްކަ އަށްޑިހަ ހަތްހާސް ފަސްސަތޭކަ) ރުފިޔާއަށް އަރާނެ ކަމަށް ބެލެވޭ ކަމަށެވެ.

މި މައްސަލައިގައި އަތުލައިގަނެވުނު މަސްތުވާތަކެއްޗާއި އެ މައްސަލައިގައި ހިމެނޭ ފިރިހެނެއް ފުލުހުންނާ ހަވާލުކޮށް މައްސަލަ އަންނަނީ އިތުރަށް ތަހުގީގު ކުރަމުންނެވެ.

ކޮރިއާ މެދުވެރިކޮށް އަދި ވައިގެ މަގުންނާ ޕޯސްޓް މެދުވެރިކޮށް ވެސް ރާއްޖެއަށް މަސްތުވާތަކެތި ގެންނަ މިންވަރު ދަނީ ދުވަހެއް ދުވަހަކަށް އިތުރުވަމުންނެވެ.

މީގެ ތެރެއިން ވަކީން ހާއްސަކޮށް ވައިގެ މަގުން މަސްތުވާތަކެތި އެތެރެ ކުރުމުގެ މައްސަލަތައް ކަންބޮޑުވާން ޖެހޭ މިންވަރަށް އިތުރެވެ.

މަސްތުވާތަކެތި ކަސްޓަމްސް