ބީއެމްއެލްގެ ޑެޕިޔުޓީ ސީއީއޯ އަދި ސީއޯއޯގެ މަޤާމަށް ސަހާ ވަހީދު އައްޔަންކޮށްފި

ސަހާ ވަހީދު

ބޭންކު އޮފް މޯލްޑިވްސް (ބީއެމްއެލް) ގެ ޑެޕިޔުޓީ ސީއީއޯ އަދި ޗީފް އޮޕަރޭޓިން އޮފިސަރު (ސީއޯއޯ) ގެ މަޤާމަށް ސަހާ ވަހީދު އައްޔަންކޮށްފިއެވެ.

ސަހާ އަކީ ބޭންކިން ދާއިރާގައި 18 އަހަރަށްވުރެ ގިނަ ދުވަހުގެ ތަޖުރިބާ ލިބިވަޑައިގެންފައިވާ ބޭފުޅެކެވެ.

ސަހާ ބީއެމްއެލްއާ ގުޅިވަޑައިގަތީ 2006 ވަނަ އަހަރުއެވެ. 2014 ވަނަ އަހަރުން ފެށިގެން އޭނާ ހުންނެވީ ބީއެމްއެލްގެ ޕީޕަލް އެންޑް ޗޭންޖު ޑިރެކްޓަރުގެ މަޤާމުގައެވެ. މީގެ އިތުރުން، އޭނާ ވަނީ ބީއެމްއެލްގެ ހެޑް އޮފް ސްޓްރެޓެޖިކް ޕްލޭނިން އެންޑް ޗޭންޖު މެނޭޖުމެންޓުގެ މަޤާމާއި ކްރެޑިޓް ޑިޕާޓުމެންޓުގެ ޑެޕިޔުޓީ މެނޭޖަރުގެ މަޤާމު ވެސް އަދާކުރައްވާފައެވެ.

ސަހާ ވަނީ ލަންޑަން ސްކޫލް އޮފް އިކޮނޮމިކްސް އެންޑް ޕޮލިޓިކަލް ސައިންސް އިން އިކޮނޮމިކްސް އަދި އިކޮނޮމިކް ހިސްޓްރީން ފުރަތަމަ ޑިގްރީ ހާސިލުކުރައްވާފައެވެ. މީގެ ކުރިން އެ މަޤާމުގައި ހުންނެވި އާއިޝަތު ނޫރައްދީން ވަނީ 42 އަހަރަށް ފަހު ޚިދުމަތުން ރިޓަޔަރކުރައްވާފައެވެ.

ސަހާގެ މި އައްޔަނުކުރެއްވުމާއެކު، ބީއެމްއެލްގެ އިސް މަޤާމުތަކަށް ޤާބިލު ދިވެހިން ގެނައުމުގެ މަސައްކަތް ކުރިއަށްދާކަން ފާހަގަކުރެވެއެވެ. އަދި މިއީ ބޭންކުގެ ކުރިމަގަށް އުއްމީދީ ބަދަލުތަކެއް ގެނެސްދޭނެ ކަމެއްކަމަށް ބެލެވެއެވެ.

ބީއެމްެއެލް