އޭޑީކޭ ހޮސްޕިޓަލްގެ ނަމުގައި ސްކޭމް މެސެޖުތަކެއް ދައުރުވާތީ ސަމާލުވުމަށް އެދެފި
އޭޑީކޭ ހޮސްޕިޓަލް
އޭޑީކޭ ހޮސްޕިޓަލްގެ ނަމުގައި ސްކޭމް މެސެޖްތަކެއް ފޮނުވަމުންދާތީ އެކަމަށް ސަމާލުވާން އެ ހޮސްޕިޓަލުން މިއަދު އިލްތިމާސްކޮށްފިއެވެ.
އޭޑީކޭ އިން ކުރި ޕޯސްޓެއްގައި ބުނީ އެ ހޮސްޕިޓަލްގެ ރަސްމީ އެސްއެމްއެސް ހޭންޑަލް މެދުވެރިކޮށް ސްކޭމް މެސެޖްތަކެއް ފޮނުވަމުންދާ ކަމަށާއި އެ މެސެޖްގައި ހިމެނޭ ލިންކަށް ވަދެ އެއްވެސް ޒާތީ މައުލޫމާތެއް ފޯރުކޮށް ނުދޭން އިލްތިމާސް ކުރާ ކަމަށެވެ.
އޭޑީކޭ ހޮސްޕިޓަލްގެ ހޭންޑަލް އިން ފޮނުވާފައިވާ ބައެއް މެސެޖުތަކުގައި ބުނެފައިވަނީ އެ މެސެޖް ފޮނުވަނީ ރާއްޖޭގެ ޕޯސްޓް އޮފީހުން ކަމަށެވެ. މި މެސެޖްތަކުގައި ބުނެފައިވަނީ ޕޯސްޓް މެދުވެރިކޮށް ތަކެތި އައިސްފައިވާ ކަމަށާއި ނަމަވެސް ކަސްޓަމްސް އަށް ދައްކަން ޖެހޭ ބައެއް ފީތައް ނުދައްކައި ހުރުމުން ޑެލިވަރީކޮށް ދެވެން ނެތް ކަމަށެވެ. އަދި މެސެޖާ އެކު ފޮނުވާފައިވާ ލިންކުން ފައިސާ ދެއްކުމަށް ވެސް އެދިފައިވެއެވެ.
މިފަދަ ސްކޭމްތައް ވަނީ މިދިޔަ ދުވަސްތަކުގެ ތެރޭގައި އިންތިހާ އަށް އިތުރުވެފައެވެ. މިދިޔަ އަހަރުގެ ފަހުކޮޅުން ފެށިގެން މި އަހަރުގެ ކުރީކޮޅާ ހަމައަށް އެކަނި ވެސް ސްކޭމާ ގުޅޭ 28،000 މައްސަލައެއްގައި 27 މިލިއަން ރުފިޔާ ގެއްލިގެން ފުލުހުންނަށް ހުށަހެޅިއެވެ. އޭގެ ތެރެއިން، މިހާތަނަށް ރިކަވާ ކުރެވުނީ އެއް މިލިއަން ރުފިޔާއެވެ.
މި މައްސަލަ ގައުމީ ބޮޑު މައްސަލައަކަށްވެ، ދައުލަތުގެ އިދާރާތަކުގެ ސަމާލުކަމަށް އައުމާ ގުޅިގެން އެކަން ހައްލުކުރުމަށް މިހާރު އަންނަނީ ފިޔަވަޅުތަކެއް އަޅަމުންނެވެ. އެހެންކަމުން، މިފަދަ ސްކޭމް މެސެޖްތަކަށް ސަމާލުވެ، އަމިއްލަ މަޢުލޫމާތު ހިއްސާނުކުރުމަށް ރައްޔިތުންނަށް އިލްތިމާސްކުރެވެއެވެ.
ސިފައިންގެ އަހަރީ ދުވަސް ފާހަގަ ކުރަން ބޭއްވި މަގުމަތީ ހިނގާލުން ރައީސް ޝަރަފުވެރިކޮށްދެއްވައިފި
ރައީސް ދެއްވަނީ ޖާގައާ ވަސީލަތުގެ ގޮތުން އެމްއެންޔޫއަށް ކުރިއެރުން ހޯދަދޭނެ ކަމުގެ ޔަގީންކަން
ތެދުވެރިކަމާއެކު މަސައްކަތް ކުރުމަށް ސީޕީ، ފުލުހުންގެ ކިބައިން އެދެފި
ހޫނު ގަދަކަމުން ކަރަންޓު އިގުތިސޯދު ކުރުމަށް ސްޓެލްކޯއިން އިލްތިމާސްކޮށްފި
ހުޅުމާލެ ހޮސްޕިޓަލްގެ ހިދުމަތް ފުޅާކުރަން ގިނަ މަސައްކަތްތަކެއް އެބަ ކުރަން: ނާޒިމް
މަޖީދިއްޔާއަކީ މި ގައުމުގެ އެންމެ ޝަރަފުވެރި އިލްމީ ބަގީޗާ: ރައީސް
މޫމިން ފުއާދުގެ އާ ދިވެހި ފިލްމު "އަބަދަށް" މާލެއާ އެއްކޮށް ރަށްރަށުގައި ދެއްކޭ ގޮތް ހަދައިފި
ސުވަރުގެ ހަރާމް ވާނެ މީހުން ކަނޑައެޅުމަކީ ސިޔާސީ ވާހަކައެއް ނޫން: ޝަކީލް
ހަރަމްފުޅުގެ އިމާމު، ރާއްޖެ ވަޑައިގަންނަވާނީ އަންނަ ހޯމަ ދުވަހު
ޖަމީލަށް ސައީދުގެ ރައްދެއް: ޕާޓީ ހިންގުމުގެ ނަމުގައި ގައުމާއި އާއިލާތަކަށް ކުރަނީ ފުރައްސާރަ
ގެއެއްގެ ފުރާޅު މައްޗަށް ވެއްޓިފައި އޮތް އަންހެނަކަށް ފަރުވާ ދެނީ
ސިފައިންގެ ދުވަހުގެ މަގުމަތީ ހިނގާލުން މާދަމާ މާލޭގައި
ކޮމެންޓް