މަސްވެރިކަމާ ގުޅޭ 25 އަހަރުގެ މާސްޓާ ޕްލޭނެއް އެކުލަވައިލަނީ

ފިޝަރީޒް މިނިސްޓަރު އަހްމަދު ޝިޔާމް ގެމަނަފުށީ މަސްވެރީންނާ ބައްދަލުކުރައްވަނީ --

ކުރިއަށް އޮތް 25 އަހަރަށް އަމާޒުކޮށްގެން މަސްވެރިކަމާއި ކަނޑުގެ ވަސީލަތްތަކާ ބެހޭ މާސްޓާ ޕްލޭނެއް އެކުލަވައިލަން ނިންމައި އެ މަސައްކަތް ފަށައިފިއެވެ.

ސަރުކާރަށް އަހަރު ފުރުމާ ގުޅުވައިގެން ފިޝަރީޒް މިނިސްޓްރީން އެހާތަނަށް ހާސިލް ކޮށްފައިވާ ކާމިޔާބީ ތަކުގެ ބައެއް ތަފުސީލްތައް އެ މިނިސްޓްރީން މިއަދު ވަނީ އާންމުކޮށްފައެވެ.

މިނިސްޓްރީން ބުނީ މަސްވެރި ސިނާއަތް ތަރައްގީކޮށް ސިންދަފާތުކޮށް ކުރިއެރުވުމަށް ކުރާ ކަންތައްތަކަކީވެސް ރޭވި ކުރެހިފައިވާ އިސްތިރަޖީ ޕްލޭނެއްގެ ދަށުން ކުރިއަށްގެންދާ ކަންތައްތަކަށް ހެދުމަށްޓަކައި އެ މިނިސްޓްރީން ވަނީ 25 އަހަރުގެ މަސްވެރިކަމާއި ކަނޑުތަކުގެ މާސްޓާ ޕްލޭނެއް އެކުލަވާލުމަށް ނިންމާފައި ކަމަށެވެ.

ރާއްޖޭގެ ތަރަށްގީއަށް ކުރެވޭ ކަންކަމަކީ ރޭވިފައިވާ ޕްލޭނެއްގެ ދަށުން ކުރާ ކަންތައްތަކަށް ހެދުމަށްޓަކައި ގާނޫނަކުން ބާރު ލިބޭ ގައުމީ ތަރައްގީގެ 20 އަހަރުގެ ޕްލޭނެއް އެކުލަވާލުމަކީ ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ މުހިއްމު ވައުދުފުޅެކެވެ.

މަސްވެރިކަމާ ބެހޭ ވުޒާރާ މަސްވެރިން