ޓީޗަރުކަމުގެ ދާއިރާއިން ކުރިއަށް ދިއުމަށް 135 ދަރިވަރުންނަށް ސްކޮލަޝިޕް ދީފި

ރާއްޖޭގެ 21 ސްކޫލެއްގެ 135 ދަރިވަރުންނަށް ވަނީ ސްކޮލަޝިޕް ހަވާލުކޮށްފަ

ކިޔަވައިދިނުމުގެ ރޮނގުން ކުރިއަށް ދިއުމުގެ މަގުސަދުގައި އޭލެވެލަށް ކިޔަވަން ފެށި 135 ދަރިވަރުންނަށް ސްކޮލާޝިޕްގެ ލިޔުން މިއަދު ހަވާލުކޮށްފިއެވެ.

މި ސްކޮލަޝިޕް ދިނުމުގެ ރަސްމިއްޔާތު ބޭއްވުނީ އެވެ.

އެމްއެންޔޫގައި ބޭއްވުނު މި ރަސްމިއްޔާތުގައި ރައީސް ޑރ. މުހައްމަދު މުއިއްޒު، އެޑިޔުކޭޝަން މިނިސްޓަރު ޑރ. އިސްމާޢީލް ޝަފީއު އަދި އެހެނިހެން ދައުލަތުގެ އިސްވެރިން ބައިވެރިވެވަޑައިގެންނެވިއެވެ. ރައީސް މުއިއްޒު ވަނީ ޕްރޮގްރާމްގައި ބައިވެރިވި 135 ދަރިވަރުންގެ ތެރެއިން ކޮންމެ ސްކޫލަކުން އެއް ދަރިވަރަކަށް ސްކޮލާޝިޕްގެ ލިޔުން ހަވާލުކޮށްދެއްވާފައެވެ.

މި ޕްރޮގްރާމްގައި ބައިވެރިވާ ދަރިވަރުން އޭލެވެލްގެ ކިޔެވުމާއެކު ޓީޗިން ފައުންޑޭޝަން ނިންމުމަށްފަހު ޓީޗިން ޑިގްރީ ޕްރޮގްރާމް ވެސް ފަށާނެއެވެ. އަދި ޕްރޮގްރާމްގައި ބައިވެރިވާ ކޮންމެ ދަރިވަރަކަށް މަހަކު 1،500 ރުފިޔާ ދިނުމަށް އެޑިޔުކޭޝަން މިނިސްޓްރީން ނިންމާފައިވެއެވެ.

މި ޕްރޮގްރާމަކީ ރާއްޖޭގެ ސްކޫލުތަކަށް ބޭނުންވާ ދެހާހެއްހާ އިތުރު ޓީޗަރުން ތަމްރީނުކުރުމަށް ކަނޑައަޅާފައިވާ ޚާއްސަ ޕްރޮގްރާމެކެވެ. މި ޕްރޮގްރާމްގައި ރާއްޖޭގެ އެކި ކަންކޮޅުތަކުގެ 21 ސްކޫލަކުން ދަރިވަރުން ބައިވެރިވެފައިވެއެވެ.

އެޑިއުކޭޝަން މިނިސްޓްރީ ރައީސް ޑރ މުޙައްމަދު މުޢިއްޒު