އެޗްޑީސީގެ ޗެއާމަންކަމަށް އަހުމަދު ނާސިފް އައްޔަންކޮށްފި

ހައުސިން ޑިވެލޮޕްމެންޓް ކޯޕަރޭޝަން (އެޗްޑީސީ)ގެ ޗެއާމަންގެ މަގާމަށް، އަހުމަދު ނާސިފް މިއަދު އައްޔަންކޮށްފި އެވެ. ނާސިފްއަކީ ކުރިން ވެސް އެޗްޑީސީގެ އިސް މަގާމެއް ފުރުއްވާފައިވާ ބޭފުޅެކެވެ.

ނާސިފްއަކީ މީގެ ކުރިން ރީޖަނަލް އެއާޕޯޓްސްގެ ޗެއާމަންގެ މަގާމުގައި ހުންނެވި ބޭފުޅެކެވެ. އަދި ސަރުކާރު ހިއްސާވާ ގިނަ ކުންފުނިތަކެއްގެ އިސް މަގާމުތައް ވެސް އޭނާ ވަނީ އަދާކުރައްވާފައެވެ.

އެޗްޑީސީގެ ޗެއާމަންގެ މަގާމުގައި މީގެ ކުރިން ހުންނެވީ އަހުމަދު ޒުހޫރެވެ. އެ މަގާމުންނާއި ކުންފުނީގެ ބޯޑުގެ މަގާމުން ޒުހޫރު ވަކިކުރައްވާފައިވަނީ މިދިޔަ މެއި މަހުގެ ތެރޭގައެވެ.