ފަލަސްތީނަށް އެހީވުމަށް ހިންގުނު ޓެލެތޯނުގެ ފައިސާ ފޮނުވި ލިޔުންތައް އާންމުކޮށްފި

ޓެލެތޯނުގެ ތެރެއިން / ފޮޓޯ:ޕީއެސްއެމް

ފަލަސްތީނު ރައްޔިތުންނަށް އެހީތެރިކަން ފޯރުކޮށްދިނުމަށް ސަރުކާރުން ކުރިއަށް ގެންދިޔަ 'ފަލަސްތީނާ އެކު ދިވެހިން' ޓެލެތޯންއިން ލިބުނު 19 މިލިއަނަށް ވުރެ ގިނަ ރުފިޔާ، ހާލުގައި ޖެހިފައިވާ ފަލަސްތީނު މީހުންނަށް އެހީވާ އދ.ގެ ޖަމާއަތް ކަމަށްވާ އަންރާއަށް މިދިޔަ އޮގަސްޓު މަހުގެ 19 ގައި، ފޮނުވި ސްލިޕް އާއްމުކޮށްފިއެވެ.

ރައީސް މުހައްމަދު މުއިއްޒުގެ އިސްނެންގެވުމަކަށް މި ޓެލެތޯން ޕީއެސްއެމުން ކުރިއަށް ގެންދިޔައީ މިދިޔަ 12 ޖޫންގަ އެވެ. އެއް ދުވަހަށް ކުރިއަށް ގެންދިޔަ މި ޓެލެތޯނަށް ކުންފުނިތަކާއި ސަރުކާރުގެ އެކި އިދާރާތަކުން ބޮޑެތި އަދަދުތަކުން ފައިސާގެ އެހީ ދިންއިރު، އާއްމުންގެ ގިނަ ބަޔަކު ވެސް ފައިސާ ހަދިޔާ ކުރި އެވެ.

މި ފައިސާ އަންރާއަށް ފޮނުވާފައިވާކަން، ސަރުކާރުގެ އޮފިޝަލުން ހިއްސާކުރި ބޭންކު ޑޮކިއުމެންޓުތަކުން އެނގެ އެވެ. އެގޮތުން ރާއްޖޭގެ މަރުކަޒީ ބޭންކު، އެމްއެމްއޭ މެދުވެރިކޮށް ފިނޭންސް މިނިސްޓްރީން އެ ފައިސާ އަންރާއަށް ފޮނުވަން ބޭނުންކުރި ޓީޓީގެ ކޮޕީއެއް ވަނީ އާއްމުކޮށްފައެވެ. މި މުއާމަލާތުން އެނގޭ ގޮތުގައި އަންރާއަށް ފޮނުވާފައި ވަނީ 19.3 މިލިއަން ރުފިޔާ ކަމަށާއި، އެ ފައިސާ ފޮނުވީ ޑޮލަރުންކަން އެނގެއެވެ.

ޕީއެސްއެމް އިން މި ފައިސާ ސަރުކާރާ ހަވާލުކޮށްފައިވަނީ މިދިޔަ ޖުލައިގަ އެވެ. ދެފުށް ފެންނަ ގޮތަށް މި ހަރަކާތް ކުރިއަށް ގެންދިއުމަށް، ޓެލެތޯން އޮޑިޓްކޮށްފައިވަނީ ކްރޯ މޯލްޑިވްސްއިންނެވެ.

ފޮރިން މިނިސްޓްރީ